Žony ze swójskimi stawiznami pytane poručenje

srjeda, 01. junija 2022
artikl hódnoćić
(0 )

W měsće Wojerecy bydli tuchwilu wjace hač 16 400 holcow a žonow. To je ně­hdźe 52 procentow cyłeho wobydlerstwa. Dźesać žonow chce zamołwita za runostajenje města Korina Jenssen we wustajeńcy předstajić.

Wojerecy (SN/MiR). Pod hesłom „Wojerecy: Twoje žony“ chce wona z kolegowkami a kolegami zhotowić krótke portrety z widom na wosobinski žiwjenjoběh a biografiju dźěła žonow. Přidać ma so foto. „Tak chcedźa zwobraznić dohlady do wšědneho dnja žonow kaž tež indiwiduelny wid na jich žiwjenje, jich město a wobswět“, zwuraznja Korina Jenssen, kotraž zastojnstwo z lońšeho lěća wukonja. Nimo krótkeho předstajenja wotmołwja protagonistki na dźesać prašenjow z tym, zo sady dokónča. Zajimawe wotmołwy wočakuja tuž na přikład na: „By­dlu rady we Wojerecach, dokelž …“, „Sym horda na …“, „Ze supermocami bych …“, „Ze strukturnej změnu zwjazuju …“.

wozjewjene w: Socialne
Prošu přizjewće so, chceće-li komentar podać

nawěšk

nowostki LND