Blokaj Janšojskeje milinarnje na přeco wotpinjenej

wutora, 02. apryla 2024
artikl hódnoćić
(0 )
Archiwne foto Janšojskeje milinarnje z lěta 2022 Foto: Michael Helbig Archiwne foto Janšojskeje milinarnje z lěta 2022 Foto: Michael Helbig

Janšojce (SN/at). Energijowe předewzaće LEAG je blokaj E a F Janšojskeje milinarnje předwčerawšim, 31. měrca, doskónčnje ze zastaranskeje syće wotpinyło. Z tym slěduja žadanje zakonjedawarja, kaž LEAG w nowinskej zdźělence piše. Nimo łužiskeju blokow je runje tak pjeć blokow předewzaća RWE w porynskim rewěrje milinu produkować přestało.

Napjate połoženje na energijowych wikach běše w oktobrje 2020 tomu polěkowało, zo buštej blokaj z tak mjenowaneje wěstotneje rezerwy nachwilnje hač do lětušeho 31. měrca znowa syći připinjenej. Za to bě wobšěrne wuporjedźenje wobeju blokow trěbne, sobudźěłaćerki a sobudźěłaćerjo so na swoje bywše dźěłowe městno wróćichu.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND