Krótkopowěsće (07.06.24)

pjatk, 07. junija 2024
artikl hódnoćić
(0 )

Pytaja stipendiata

Choćebuz. Město Choćebuz chce w přichodnym semestrje studentow wučerstwa serbšćiny podpěrać a je za to stipendij iniciěrowało. Stipendij we wobjimje 500 eurow chcedźa zajimcej 60 měsacow dołho zapłaćić. Po wuspěšnym zakónčenju studija pak měł so stipendiat zawjazać a pjeć lět šulsku słužbu na dobro serbskeje rěče w Choćebuzu wukonjeć.

Nastaće zakonja tema zetkanja

Budyšin. Wčera, štwórtk, zetkachu so na žurli Serbskeho muzeja šulerki a šulerjo 9. lětnika Serbskeho gymnazija Budyšin ze časowymi swědkami nastaća serbskeho zakonja před 25 lětami. Nimo tehdyšich serbskich zapósłancow w sakskim krajnym sejmje bě tež bywši jednaćel Domowiny Bjarnat Cyž přitomny. Na zarjadowanje běštej Domowina a muzej přeprosyłoj.

Wjele zajimcow za ferialny kurs

wozjewjene w: Krótkopowěsće
Prošu přizjewće so, chceće-li komentar podać

nowostki LND