Wědomosć dźěćom zbližeja poručenje

wutora, 09. julija 2024
artikl hódnoćić
(0 )
Na Budyskim Hłownym torhošću steji tele dny Fabmobil a informuje wo předmjetach přirodowědy. Valena Ammon (naprawo), ekspertka za design keramiki a škleńcy, zdobom wučerka w mobilnym laborje za wuměłstwo, kulturu a přichod Sakskeje, je Klarje Bjedrichec, kotraž tuchwilu w prózdninach w redakciji SN dźěła, rozłožiła, kak so z pomocu 3D-ćišća hrajki tworja.  Foto: SN/Bojan Benić Na Budyskim Hłownym torhošću steji tele dny Fabmobil a informuje wo předmjetach přirodowědy. Valena Ammon (naprawo), ekspertka za design keramiki a škleńcy, zdobom wučerka w mobilnym laborje za wuměłstwo, kulturu a přichod Sakskeje, je Klarje Bjedrichec, kotraž tuchwilu w prózdninach w redakciji SN dźěła, rozłožiła, kak so z pomocu 3D-ćišća hrajki tworja. Foto: SN/Bojan Benić

Wabja z mnohimi idejemi za přirodowědne temy a předmjety

Budyšin (kb/SN/MiR). Na Budyskim Hłownym torhošću prezentuje so tónle tydźeń projekt  Zwjazkoweho ministerstwa za kubłanje a slědźenje „MINOS- macht schlau“. Z nim chce ministerstwo dźěćom a młodostnym jednory přistup k přirodowědnym wobsaham kubłanja zmóžnić a jich za powołanske perspektiwy w MINT-předmjetach zahorić.

Budyska biblioteka za dźěći a młodostnych je sej projekt do Sprjewineho města přeprosyła. Bibliotece poboku su wšelacy partnerojo. Jedyn je Budyske Spěchowanske towarstwo za technologiju, jako čłon MINOS Mint-mach-Region Ostsachsen. Jeho sobudźěłaćerka Silvana Rieck rjekny: „Mamy tež dobre zwiski Radworskemu projektej Serbski experiMINT campus a zapřijamy jón do našich poskitkow.“

wozjewjene w: Kubłanje
Prošu přizjewće so, chceće-li komentar podać

nowostki LND