Za nowe nadawki kubłanja poručenje

štwórtk, 11. julija 2024
artikl hódnoćić
(0 )

Serbšćina a přiroda w srjedźišću konferency Serbskeho šulskeho towarstwa

Budyšin/Pančicy-Kukow (SN/MiR). Po samsnym principje a tola cyle hinak. Tak ma so lětuša 3. fachowa konferenca Serbskeho šulskeho towarstwa (SŠT) w klóšterskej bróžni a zelowej zahrodźe w klóštrje Marijina hwězda w Pančicach-Kukowje wotměć. Domowina je towarstwu tež lětsa kruty partner. Po dotalnym postupowanju měri so zarjadowanje na wšěch tych, kotřiž so za kubłanje w serbskich žłobikach, pěstowarnjach a hortach, w šulach a dalšich kubłanskich zarjadnišćach angažuja. Hłowne ćežišćo kubłanskeho zarjadowanja je šulu jako městno naslědnosće wuwiwać. Zakład konferency je njedawno wozjewjena strategija „Sakska – kraj kubłanja 2030“. Jeje prěni zaměr je, zo sakske šule swój wšědny dźeń na ­cyłotne a naslědne wuknjenje wusměrja. „Z našej fachowej konferencu šule podpěrujemy, so na nowe nadawki přihotować“, rjekny jednaćel SŠT, Andreas Ošika.

wozjewjene w: Kubłanje
Prošu přizjewće so, chceće-li komentar podać

nowostki LND