Serbska dnjowa skupina w Drježdźanach starosći so wo přichod

Drježdźany (SN/MiP). Wot apryla lěta 2011 eksistuje w Drježdźanskim Nowym měsće na Čěskej hasy 27 serbska dnjowa skupina za dźěći w starobje mjez jednym lětom a třomi lětami. Tamniše serbske towarstwo „Stup dale“ tutón poskitk sobu organizuje, mjez druhim stara so wo dorost­ w skupinje. Loni je Serbske šulske towarstwo (SŠT) dźakowano iniciatiwje čłonow „Stup dale“ nošerstwo za dnjowu skupinu přewzało. Hladajo na situaciju w tutym lěće pak starosća so wo dalšu eksistencu­ serbskeje dnjoweje skupiny, to zdźěli předsyda towarstwa Christoph Cyž.