Pomocnicy z wukraja zdźěla wulku rólu hraja, ale nic wšudźe

Budyšin/Kašecy (SN/MiR). Skónčnje truskalcy. Zwotkel pak wone su? Wjetšina dotal poskićenych, kotrež su we wobchodach na předań, njepochadźa hišće z bliskich plahowanišćow. Wjedro w našich kónčinach njeje tomu polěkowało, zo su truskalcy hižo wšudźe zrałe dosć. Dr. Christian Bock z Kašec zazwonjacemu zajimcej z paska powěda, hdźe móžeja sej truskalcy šćipać, mjez druhim tež w Kašecach, hdźež rostliny na ležownosći tamnišeho ryćerkubła plahuje. Wot ranja w šesćich móža sej ludźo tam dwanaće hodźinow dołho słódne płody šćipać.