Tabulkowy susod wuspěšny

srjeda, 30. oktobera 2019 spisane wot:

ST Wóslink/Skaskow

– SJ Njebjelčicy 1:0 (1:0)

Zestawa hosći: Hahn – Kral, Hanuza, Gödig, Čornak (46. Hölzel), Pawlik, O. Domš, Plaettner, Haška, Šołta (61. Schulze), Wagner (61. Lejnart)

Hosćo derje do partije startowachu, tak zo běchu Wóslinčenjo w defensiwnje hnydom žadani. W 5. min. Wiliam Plaettner bul po róžku z pjeć metrow na wrota zhłójčkowa, hrajer domjacych pak zamó jón hišće na łatu wotfalšować. W 13. min. přesadźi so Oliver Domš po diagonalnej přihrawce w běhanskim duelu z poslednim škitarjom hosćićela. Z praweje strony na wrota měrjo so trjechi pak jenož wonkowny sak. Přez kontery wukonješe přećiwnik ćišć na defensiwu Njebjelčanow. W 30. min. wuskoči z tajkeho róžk. Wótry bul Kevin Kuschel na krótku žerdź zhłójčkowa. Wrotar Nico Hahn bě runje hišće w prawym času na městnje. W 42. min. kuli so bul na wonkownej čarje přećiw­niskemu hrajerjej před noze. Z toho slědowacy nahle hraty bul přiwza Tom Franke samostejacy před wrotami a třěli jón do klětki. Wrotar a defensiwa běštaj bjez šansy.

Robert Lejnart trójce trjechił

srjeda, 30. oktobera 2019 spisane wot:

SJ Njebjelčicy

– HZ Hórnikečanski jězor 4:0 (1:0)

Zestawa domjacych: Hahn – Kral, Ha­nuza, Gödig, Haška (76. Čornak), Pawlik, O. Domš, Hoelzel, Lejnart, Schulze (73. Šołta), Korjeńk (73. Wagner)

Dalši duel tabulkoweju susodow bě mi­njenu njedźelu w Njebjelčanskim sta­dio­nje při Jaworskej rěčce. Dypkowa flaw­ta do toho we Wóslinku pohnu trenarja hosćićela Handrija Krawčika do hry razniši ton wolić. Hižo w 3. min. pora­dźi so domjacym wuspěšna ofensiwna akcija, po tym zo běchu woni porjadny ćišć wukonjeli a skomoleny pas do nohow Roberta Lejnarta prowokowali. Rodźeny Worklečan njeda so dwójce prosyć a sam na wrota běžo k 1:0 wotzamkny. W přichodnej akciji pósła Leopold Hoelzel ze srjedź­neho pola Sandra Schulzu do běha, kiž bul Handrijej Korjeńkej wotpołoži. Škitar dalše wrota runje hišće tak wotwobara. Po dobrej spočatnej fazy pak Njebjel­čenjo bjez spóznajomneje přičiny měr w swojich akcijach zhubichu. Dołhe třělwy a skomolene přihrawki zmóžnjachu hosćom wjacore dobre ofensiwne akcije. Tak tež we 38. min., jako lećeše po róžku do směra na wrota hłójčkowany bul jeno snadnje nimo žerdźe.

Historiski sportowy podawk

wutora, 29. oktobera 2019 spisane wot:

Serbski Sokoł wosebity camp za koparski dorost přewjedł

17 serbskich koparjow, tři serbske koparki, štyri serbske swójby z Wěteńcy, Koćiny, Pančic-Kukowa a Budyšina, dwě čěskej hrajerce, dźewjeć čěskich hrajerjow a starši koparjow domoródneho dorostoweho mustwa SK Janské Lázně su minjenu srjedu w stadionje čěskeho kuroweho městačka tři historiske koparske hry w sportowych stawiznach Serbskeho a Čěskeho Sokoła dožiwili. Prěni raz nastupi serbski koparski dorost­ na mjezynarodnej runinje, a to we wo­błuku serbskorěčneho campa w Janskich Láznjach, kotryž bu we wobłuku wubědźowanja Sakskeho fondsa „Čiń sobu!“ mytowany.

Sokoł w cuzbje dale z běłym lacom

wutora, 29. oktobera 2019 spisane wot:

Natwar Němske Pazlicy

– Sokoł Ralbicy/Hórki 0:2 (0:0)

Zestawa hosći: Schöne – Lešawa, Schultz, Wałda, Bjeńš, Gloxyn, Rawš, Šiman (74. Šewc), M. Kurjat (65. Janca), G. Kurjat (77. Materna), Domaška

W minjenej sezonje hrajachu koparjo Sokoła Ralbicy/Hórki dwójce přećiwo Němskim Pazlicam a wopušćichu trawnik stajnje jako dobyćer. Byrnjež pře­ćiw­nik we woběmaj hromaj dobru kopańcu pokazał, běše wón před wrotami prosće přesłaby. Podobnje wupadaše tež předwčerawšim, njedźelu, zaso w stadionje při Němskopazličanskim wulkim haće.

Hosćo z Ralbic w prěnich dźesać mjeńšinach dominowachu, po tym pak mě­jachu domjacy hač do połčasa ceptar w rukomaj. Před wrotami Willija Schöny so přiwšěm jenož dwójce jara strašnje jewja­chu. Wobaj razaj Schöne swoje kma­no­sće pokaza a třělwje wulkotnje wot­wobara. Na tamnym boku skićeše so Měr­ćinej Kurjatej dobra składnosć ze šěsnaće metrow, ale wón njebě wuspěšny.

Serbja w krajnej stolicy startowali

wutora, 29. oktobera 2019 spisane wot:
Na 21. Drježdźanskim marathonowym wubědźowanju, we wobłuku kotrehož po­skićichu wjacore běhanske distancy, wobdźělichu so njedźelu tež wjacori Serbja. Roman­ Měrćink z Baćonja běžeše jako jenički połmarathon. Halena Jancyna z Ralbic a Jan Cyž z Lejna startowaštaj na distancy 4,2 kilometrow, a serbska šestka na wo­brazu absolwowaše čaru 10 km: wotlěwa Beno Šołta, dr. Daniel Měrćink, Dawid Kliman­, Sebastian Reiche, Daniel Pawlik a Stefan Lipič. Foto: Claudia Šołćina

Serb krajny mišter w poolbillardźe

wutora, 29. oktobera 2019 spisane wot:
Janoš Nuk z Budyšina rěka nowy krajny mišter w starobnej klasy U 17, a to w spor­towej disciplinje poolbillard. Šuler Budyskeho Serbskeho gymnazija je minjenu sobo­tu na sakskich mišterstwach w Freibergu za sportowe towarstwo BiGa Budyšin startował. Po dobyću krajnych mišterstwow smě so Janoš Nuk klětu w hessenskim Bad Wildungenje na němskich mišterstwach wobdźělić. Foto: Michał Nuk

Wuslědki (29.10.19)

wutora, 29. oktobera 2019 spisane wot:

Kopańca

tabulka wokrjesneje wyšeje ligi

1. Drohotka Ramnow 10 30 : 11 25

2. Póst Germania Budyšin 10 27 : 11 25

3. Módro-běli Kulow 10 24 : 11 24

4. LSV Hory 10 23 : 14 21

5. ST Horni kraj-Sprjewja 10 28 : 16 19

6. Sokoł Ralbicy/Hórki 9 23 : 13 19

7. ST Marijina hwězda 10 20 : 22 14

8. ST Hnašecy-Dobruša 10 18 : 20 13

9. TSV Wachau 11 25 : 26 12

10. TSV Połčnica 10 19 : 34 12

11. SG Großnaundorf 10 18 : 21 11

12. Wojerowski FC 10 24 : 26 8

13. Natwar Němske Pazlicy 10 13 : 22 7

14. ST Kinspork/Łužnica 10 8 : 18 7

15. Motor Kumwałd 10 18 : 29 6

16. ST Porchow 10 7 : 31 3

wokrjesna liga, stafla 2

Łaz/Běły Chołmc – Radwor 1:0 (1:0)

Malešecy – Wóslink/Skaskow 4:0 (3:0)

Łuty – Wulka Dubrawa 3:0 (2:0)

Rakecy II/Šćeńca – Haselbachtal 0:5 (0:4)

Chrósćicy II – Wojerowski FC II 2:1 (1:0)

Njebjelčicy – Hórnikečanski jězor 4:0 (1:0)

Hlinowc – Nadrózna Hrabowka 3:1 (1:1)

Minakał – Lubuš/Bluń 1:3 (1:1)

Faworit so jasnje přesadźił

póndźela, 28. oktobera 2019 spisane wot:

Póst Germania Budyšin – ST Marijina hwězda 3:0 (1:0)

Zestawa hosći: Hejduška – Cyž, Hawš, Bělk, Wróbl, F. Langer, Ch. Cyž, Jurš (21. Winkler), Pjetaš, Eldor (46. Kral), Pakoßnick (32. L. Langer)

Sobotu podachu so koparjo ST Marijineje hwězdy do Budyšina, hdźež hra­jachu pola jednoho z faworitow na dobyće wokrjesneje wyšeje ligi. Personelna situacija za ćežku wonkownu partiju běše wšo druhe hač spomóžna, dokelž pobrachowaše Pančičanam kopica hrajerjow. Tež wobaj trenarjej njeběštaj k dispozi­ciji. Tak dyrbjachu koparjo sami mustwo nastajić a wo taktice přemyslować.

Wuslědki (28.10.19)

póndźela, 28. oktobera 2019 spisane wot:

Kopańca, regionalna liga muži

Biskopičanske KT – Lok Lipsk 0:3 (0:1)

Viktoria Berlin – Berlinski AK 4:2 (2:1)

Nordhausen – Rathenow 4:0 (2:0)

Lichtenberg – Altglienicke 2:1 (1:0)

Halberstadt – Hertha BSC II 2:2 (1:1)

Fürstenwalde – Erfurt 3:0 (3:0)

Dynamo – Meuselwitz 2:0 (1:0)

Chemija Lipsk – Auerbach 2:0 (1:0)

Babelsberg – Energija Choćebuz 0:1 (0:1)

regionalna liga žonow

Erfurt – Hohen Neuendorf 0:0 (0:0)

Aue – Union Berlin1:9 (1:6)

Biskopičanske KT – Lipsk-juh 1:2 (1:1)

Steglitzski FC – Jena II 1:4 (1:2)

Magdeburg – Viktoria Berlin 0:1 (0:1)

Phoenix Lipsk – RB Lipsk 1:6 (0:3)

pinca tabulki

9. Přezjednota Lipsk-juh 9 10 : 26 7

10. Hohen Neuendorf 8 7 : 19 4

11. Biskopičanske KT 8 7 : 22 4

12. FC Rudne horiny Aue 9 9 : 42 4

krajna liga muži

Přezjednota Niska – Wilsdruff 2:0 (0:0)

Wocl Riesa – Taucha3:2 (1:2)

Pirna-Copitz – Nowe Město 3:1 (1:0)

Großenhain – Budissa Budyšin 1:3 (0:2)

Lößnitz – Kamjenc0:2 (0:1)

Mittweida – Markkleeberg 2:1 (1:0)

Nowosólc-Hródk – Radebeul  3:0 (1:0)

Rabenstein – Lipsk 1:0 (0:0)

čoło tabulki

1. Jednota Kamjenc 9 14 : 4 21

2. FSV Nowosólc-Hródk 9 22 : 13 20

3. SV Germania Mittweida 9 18 : 10 20

4. Großenhainski FV 90 9 22 : 13 18

5. Budissa Budyšin 9 19 : 8 15

6. VfL Pirna-Copitz 07 9 12 : 8 15

7. LSV Nowe Město 9 18 : 10 14

krajna klasa

Ćisk – Chrósćicy2:3 (1:2)

Drježdźany-Strěžin – Weixdorf 5:1 (2:0)

Běła Woda – Rotacija Drježdźany 1:3 (1:0)

Großröhrsdorf – Drježdź. SC  2:0 (1:0)

Oderwitz – Rěčicy3:3 (2:1)

Prěnje koparske mustwo Sportoweje jednotki Chrósćicy je sobotu koparski derby w Ćisku 3:2 (2:1) dobyło a so z třomi wažnymi dypkami na swoju ker­mušu wróćiło. Za hosći trjechichu Jan Bogusz (6.), Maksimilian Zahrodnik (36.) a Miroslav Sentivan (50.). Na wobrazu widźimy hrajnu scenu mjez Benjaminom Müllerom (nalěwo, Ćisk) a Feliksom Zahrodnikom (naprawo­, Chrósćicy). Foto: Werner Müller

nawěšk

SERBSKE NOWINY podpěruja:

Novi Sad – kulturna stolica Europy

nowostki LND