Zestawa hosći: Matik – R. Cyž, Zelnak (67. Lipič), Rab, Ch. Cyž, Eldor, Pjetaš, Jurš (75. Bejmak), Schmidt, Šołta, J. Pakoßnick (61. K. Pakoßnick)
Awtor dźensa
Jurij Bjeńš
„To móže zaso raz prawje napjata sezona być!“, słyšu nětko časćišo w Ralbičanskim Stadionje přećelstwa. Měnjena je w prěnim rjedźe 1. zwjazkowa koparska liga. RB Lipsk, Bayern Mnichow abo tola BVB? Tež ja móžu sej předstajić, zo Bayerojo lětsa přewulku wostudu njezměja.
Kopańca, wokrjesna wyša liga
1. Módro-běli Kulow 6 14 : 6 16
2. Sokoł Ralbicy/Hórki 6 18 : 7 15
3. Drohotka Ramnow 6 17 : 7 15
4. ST Horni kraj-Sprjewja 6 20 : 9 13
5. Póst Germania Budyšin 6 18 : 10 13
6. LSV Hory 6 12 : 11 12
7. ST Hnašecy-Dobruša 6 13 : 12 10
8. SG Großnaundorf 6 14 : 10 9
9. ST Marijina hwězda 6 14 : 14 8
10. Natwar Němske Pazlicy 6 9 : 13 6
11. TSV Połčnica 6 13 : 27 6
12. TSV Wachau 6 11 : 14 4
13. Wojerowski FC 6 12 : 16 4
14. ST Kinspork/Łužnica 6 3 : 8 3
15. ST Porchow 6 5 : 18 3
16. Motor Kumwałd 6 7 : 18 1
Konjacy sport w Hórkach
W Hórkach přewjedźe konjace sportowe towarstwo „Při Klóšterskej wodźe“ Pančicy-Kukow z. t. jutře a njedźelu swój 26. jěchanski turněr. Na programje steja mjez druhim 6. Hórčanske mustwowe wubědźowanje, Sakske mišterstwa w mnohostronskim jěchanju a 2. Hórčanski derby. Sobotu započnu so wurisanja rano we wosmich, posledni start budźe 16.30 hodź. Njedźelu wubědźuja so jěcharki a jěcharjo wot 8 hodź. do 17 hodź. Wulki showprogram je za 16 hodź. planowany.
Finale Wopačanskeho cupa
Tradicionalnje zakónči so Wopačanski cup běharjow jutře z Biskopičanskim běhom na Butrowu horu. Prěnje běhi započnu so hižo připołdnju w 13 hodź. Start a cil budźetej w Pikowje (Pickau).
Kónctydźenska kopańca
21.09. 13:00 Módro-běli Kulow II
– Njeswačidło
21.09. 15:00 ST Bart – SJ Njebjelčicy II
21.09. 15:00 SG Motor Wilsdruff
– Jednota Kamjenc
21.09. 15:00 TSV Wachau
– Sokoł Ralbicy/Hórki
21.09. 15:00 ST Horni kraj-Sprjewja
– ST Marijina hwězda
22.09. 12:30 SJ Chrósćicy II
– ST Nadrózna Hrabowka
22.09. 13:30 Wojerowski FC
– Módro-běli Kulow
22.09. 15:00 ST Radwor
– SZ Wóslink/Skaskow
22.09. 15:00 Módro-běli Minakał
– SJ Njebjelčicy
22.09. 15:00 Rjemjesło Rabenstein
– Budissa Budyšin
Wjace hač dwaj tysac gymnaziastow je dźensa koło po kole na tartanowej čarje na Budyskej Młynkec łuce běžało. Šulerjo běchu so na akciji „Běh z wutrobu“ wobdźělili.
Budyšin (SN/MiR). Mjeztym wuhotuje Budyska Ludowa banka 15. króć běh šulerjow-gymnaziastow pod hesłom „Běh z wutrobu“. Lětsa wobdźělichu so na zarjadowanju, kotrež dźensa na Młynkec łuce wotměchu, šulerjo 5. do 13. lětnika. Nimo Biskopičanskeho a Wjelećanskeho gymnazija běchu z Powołanskošulskim centrumom za hospodarstwo a techniku, Schillerowym, Melanchthonowym a Serbskim gymnazijom (SGB) tež štyri Budyske kubłanišća zastupjene. Wučer SGB Měrko Korjeńk je za serbske kubłanišćo přizjewił něhdźe 200 šulerjow, kotřiž su koło po kole po tartanowej čarje běželi. „Mamy akciju za dobru. Wšako sylnja wona socialny angažement a ma zdobom strowotniski aspekt“, rjekny nawoda Serbskeho gymnazija René Wjacławk.
Hakle tydźeń stara je złota medalja Křesćana Zahrodnika z jěchanskeho towarstwa „Při Klóšterskej wodźe“ Pančicy-Kukow z.t. Ze swojej kobłu Namibiju je sej w mnohostronskim jěchanju w Hannoveru-Langenhagenje zašły kónc tydźenja titul němskeho mištra w kategoriji amaterojo wuwojował. Přichodne wubědźowanje steji nětko doma před durjemi, a to w Hórkach. Halena Jancyna je so z Křesćanom Zahrodnikom rozmołwjała.
Jako prěnje wutrobnu gratulaciju serbskej dwójce k wulkemu wuspěchej! Nětko rěka doprědka hladać a so na přichodny nadawk koncentrować. Što je wosebite wužadanje na towarstwo?
14. Wrotar z techniskimi problemami
Wrotar dóstanje bul z wotpohladom wot sobuhrajerja a hrajny nastroj město z ruku z nohu přiwozmje. Nětko smě wón bul hrać a do rukow wzać. Wažne je, zo njeje do přihrawki abo zamjeta wotpohlad měł bul do rukow wzać.
15. Žołte a čerwjene karty pozdźišo wudźěleja
Přewjedźe-li mustwo spěšny wólny kop, móže sudnik žołtu abo čerwjenu kartu ewentuelnje hakle pozdźišo dać. Za foulowane mustwo njesmě mjenujcy žana njelěpšina nastać.
16. Přezahe so wjeselił
Wšojedne hač su wrota płaćiwe a njepłaćiwe, we woběmaj padomaj wyskanje po docpěću wrotow chłostaja.
17. Barbojte spódnje košle
Spódnje košle smědźa wjacore barby a samo mustry měć, dyrbja pak barbam abo mustrej trikota a rukawam wotpowědować. Tučasne prawidło tak trochu powólnja (lockern) a časej přiměrja.
18. Rozsudy sudnika
Rozsudźi-li sudnik na přikład na wólny kop, njesmě wón swój rozsud hižo korigować.
19. Werbalne přeńdźenja
Wšitke werbalne přeńdźenja sudnik z indirektnym wólnym kopom chłosta.
20. Ruku sudnika šonować
Kolumnist kolumny Widźał, słyšał, napisał André Strelow je drje hižo někotre linki k nowym koparskim prawidłam napisał, dospołny přehlad pak smy wot koparskeho sudnika Kiliana Hrjehorja dóstali. Róžeńčan sudźi za Sportowe towarstwo Radwor na wokrjesnej runinje Zapadołužiskeho koparskeho zwjazka.
1. Chłostanja za trenarja a oficialnych při pobóčnej liniji
Trenarjow a oficialnych su hač do dźensnišeho při přeńdźenjach jenož ertnje pochłostali. Nětko tež tu žołte a čerwjene karty sydaja. Njeje-li złóstnik wuslědźomny, trenarja pochłostaja.
2. Změny hrajerjow při přichodnej wonkownej liniji
Jeli sudnik ničo druhe njepřikaza, dyrbi hrajer, kiž so wuměni, hrajnišćo přez přichodnu wonkownu liniji wopušćić. To płaći tež za zakładne linije. Změna prawidła ma tomu zadźěwać, zo so čas při změnach broji.
3. Rozeznawanje mjez chłódźenskej přestawku a pitnej přestawku