Čitanska nóc tež hólcow wabiła

póndźela, 22. junija 2015
artikl hódnoćić
(0 )
Wobdźělnicy 9. čitanskeje nocy pjatk w dźiwadle Foto: Michaela Hrjehorjowa Wobdźělnicy 9. čitanskeje nocy pjatk w dźiwadle Foto: Michaela Hrjehorjowa

Hižo 9. króć wotmě so minjeny pjatk serbska čitanska nóc Rěčneho centruma WITAJ a Němsko-Serbskeho ludoweho dźiwadla w Budyskim Dźiwadle na hrodźe.

Budyšin (SN/CoR). Dwaceći dźěći 3. a 4. lětnika wšěch serbskich zakładnych šulow – w Budyšinje, Worklecach, Pančicach, Ralbicach, Chrósćicach, Radworju – je pjatk wot 19 hodź. napjaty wječor dožiwiło. Gabriela Korchowa ze stron NSLDź a Michaela Hrjehorjowa z RCW běštej jón spřihotowałoj. Po wodźenju po dźiwadle wobhladachu sej šulerjo najprjedy probu lětnjeho dźiwadła wonka na Hrodźe a stare město Budyšina. Štó wuznawa so w serbskich bajkach, rěkaše po tym w dźiwadle. Zastupjerka intendanta za serbske dźiwadło Madleńka Šołćic­ a elewka Helena Bětnarjec před­staji­štej młodemu publikumej w małym dialogu někotre bajki, a dźěći mějachu je wuhódać.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND