Powołanske zakónčenje maćernorěčnikow ma so nuznje připóznać

štwórtk, 09. julija 2015
artikl hódnoćić
(0 )
Wučerka Jana Brenner z Habrachćić nača pobrachowace připóznaće powołanskeho zakónčenja pólskich a čěskich maćernorěčnikow.  Foto: A. Kirschke Wučerka Jana Brenner z Habrachćić nača pobrachowace připóznaće powołanskeho zakónčenja pólskich a čěskich maćernorěčnikow. Foto: A. Kirschke

W srjedźišću njedawneho fachoweho schadźowanja we Wostrowcu steješe susodorěčne kubłanje w Sakskej. Ale tež připóznaće powołanskeho zakónčenja maćernorěčnikow je rólu hrało.

Wostrowc. Pólšćina a čěšćina w pomjeznym rumje Sakskeje trjebatej systematiske spěchowanje a wuwiće kwality wot zažneje dźěćaceje staroby. „Pobrachuje dale wědomostnje fundowany koncept, na kotrymž móhli dźěło w dźěćacych dnjowych přebywanišćach wusměrić“, podšmórny dr. Regina Gellrich, nawodnica Sakskeho krajneho centruma za zažne susodorěčne kubłanje na njedawnym schadźowanju we Wostrowcu. „Z projektom Witaj mamy w serbskim wobłuku derje praktikowany přikład. Chcemy wjele z toho wuknyć a přenjesć.“ W Mjezy­narodnym zetkawanišću klóšter Marijiny doł wobjednachu temu „Po puću k rěči susoda wot wšeho spočatka w pomjeznych regionach Sakskeje“. Kubłarki, wučerki, wědomostnicy, studenća z Němskeje, Pólskeje, Čěskeje a Awstriskeje kaž tež zastupjerjo z kubłanja, kultury, poli­tiki a zarjadnistwa so wobdźělichu.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND