Synchronizuja siluetowy film

póndźela, 27. julija 2015
artikl hódnoćić
(0 )

Wot dźensnišeho hač do pjatka wotměwa so wospjet prózdninski medijowy camp za šulerjow Slepjanskeje šule „Dr. Marja Grólmusec“. W Čornym Chołmcu chcedźa so wobdźělnicy cam­pa­ z filmom „Sedmy rapak“ zaběrać, ale so tež wočerstwjeć.

Čorny Chołmc (SN/MiR). Juliana Kaulfürstowa, sobudźěłaćerka regionalneho zarjada Domowinskeje župy „Jakub Lorenc-Zalěski“ je přez cyłe lěto na Slepjanskej šuli za projektowy tydźeń w Čornym Chołmcu wabiła. „Wšako maja šulerjo składnosć, prózdninski tydźeń dožiwić, zaběracy so z medijemi. Woni pak změja tež chwile so wočerstwjeć a hornjoserbskich šulerjow z Budyskeje kónčiny ze­znać, kotřiž so tohorunja na lěhwje wobdźěleja“, projektowa nawodnica rozłožuje. Wosom zajimcow, štyri holcy a štyrjo hólcy, je so za medijowy camp přizjewiło. Jako kubłarjej staj jim Marija-Tereza Wroblec a Šćěpan Wjeńka poboku.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND