Ministerka Brunhild Kurth (CDU) wě wo zrozumjenju
Drježdźany (SN/MiR). Jedne z najwjetšich wužadanjow sakskeho ministerstwa za kultus na spočatku noweho šulskeho lěta je zaručenje wučby za přichadźace dźěći a młodostnych z migraciskim pozadkom. Tole zwurazni sakska statna ministerka za kultus Brunhild Kurth (CDU) wčera na nowinarskej konferency w Drježdźanach. Tuchwilu kultus z 25 671 šulerjemi ze 141 krajow liči, kotřiž maja ze šulskim lětom 2015/16 na sakskich šulach wuknyć. 3 751 dźěći a młodostnych ma so w 290 přihotowanskich rjadownjach na bórzomny přechod do šule přihotować. W tutych rjadownjach – ministerstwo liči z dale stupacymi ličbami šulerjow – ma 632 wučerjow skutkować, 300 wjace hač w šulskim lěće 2014/ 15. Wučerjo na serbskich a serbšćinu wuwučowacych šulach móhli so na změny nastajić. Na prašenje Serbskich Nowin, kak hodźi so tandemowa wučba na tutych kubłanišćach, hdźež tohorunja šulerjo z migraciskim pozadkom wuknu, zaručić, prosy ministerka wo zrozumjenje. „Mamy wšitcy zhromadnje wuwzaćnu situaciju wobstać. Přijimamy w Sakskej a po cyłej Němskej wjele ludźi z migraciskim pozadkom.
