Šulskich nowačkow witali poručenje

póndźela, 24. awgusta 2015
artikl hódnoćić
(0 )
Prěni šulski dźeń tobołu wupakować, na šulskej ławce sedźeć a kedźbować, što wučerka praji, rěkaše dźensa tež za 17 nowačkow Šule Ćišinskeho w Pančicach-Kukowje. Nazhonitej rjadowniskej wučerce Margot Köringowa a Marja Jurencowa stej ze swojej wulkej přichilnosću dźěći hnydom za sebje zdobyłoj.  Foto: SN/Maćij Bulank Prěni šulski dźeń tobołu wupakować, na šulskej ławce sedźeć a kedźbować, što wučerka praji, rěkaše dźensa tež za 17 nowačkow Šule Ćišinskeho w Pančicach-Kukowje. Nazhonitej rjadowniskej wučerce Margot Köringowa a Marja Jurencowa stej ze swojej wulkej přichilnosću dźěći hnydom za sebje zdobyłoj. Foto: SN/Maćij Bulank

Na serbskich zakładnych šulach wuknje nětko 154 abejcejnikow

Chrósćicy/ Ralbicy/ Worklecy/ Radwor/Pančicy-Kukow/ Budyšin (aha/SN/MiR). Při­wzaće šulskich nowačkow je za naše serbske zakładne šule kóžde lěto wospjet přičina, so na tónle dźeń wosebje přihotować. Lětsa zastupi 154 dźěći jako šulerjo do 1. lětnika jedneje z pjeć serbskich zakładnošulskich kubłanišćow. W Chrósćicach haja rjane wašnje, zo šulskich nowačkow, jich staršich a přiwuznych tamni šulerjo w foyeru „Jednoty“ w spalěru z kwětkami witaja. Zwura­znjeja tak integrowanje abejcejnikow na lube wašnje do swojich rjadow. Do toho bě jich farar dr. Friedrich Fischer na swjatočnym nyšporje požohnował.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND