Ze spěwom a hru so rozžohnowali

srjeda, 23. decembera 2015
artikl hódnoćić
(0 )
Posledni dźeń šule do hód je na Budyskej Serbskej wyšej šuli mjez druhim měšany chór pod nawodom Cornelije Benadźineje spěwał. Foto: Jan Hrjehor Posledni dźeń šule do hód je na Budyskej Serbskej wyšej šuli mjez druhim měšany chór pod nawodom Cornelije Benadźineje spěwał. Foto: Jan Hrjehor

Budyšin (jh/SN). Dźiwadłowa skupina a chór Serbskeje wyšeje šule Budyšin stej posledni dźeń do hodownych prózdnin swojim sobušulerjam kaž tež wučerkam a wučerjam spodobny program předstajili a so tak zhromadnje hač do noweho lěta rozžohnowali. Witajo přitomnych w awli Serbskeho šulskeho a zetkawanskeho centruma pak dyrbješe šulska nawodnica Borbora Krječmarjowa nimo chwalobnych słowow tež słowny prut wužiwać, zo bychu někotre šulerki a někotři šulerjo za dwě njedźeli z lěpšim wuknjenskim nastajenjom zaso do šule přišli. Za wšěch dalšich pak wužiwaše słowa dźaka za wuspěšne zhromadne dźěło w lěće 2015.

W prěnim dźělu programa spěwaše měšany chór šulerkow a šulerjow 5. do 10. lětnika po nawodom dirigentki-wučerki Cornelije Benadźineje wjacore ­serbske a jendźelske hodowne pěsnje, kotrež běchu njedawno tež w čěskej stolicy Praze na adwentnych wikach spěwali. Trijo instrumentalistow pod nawodom wučerja Tila Magera chór přewodźeše. Konstantin Wels a Silas Wjenk hraještaj wobaj na gitarje.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND