Serbske šulske towarstwo zhladuje na 25 lět wobstaća

Budyšin (SN/MiR). Štwórć lětstotka hižo Serbske šulske towarstwo wobłuk serbskeho kubłanja po měrliwej rewoluciji sobu wuwiwa a postaja. A perspektiwa za dalše wunošne skutkowanje na dobro Serbow, jich rěče a kultury je trěbna. To wujewi so dźensa dopołdnja na swjedźenskim zarjadowanju składostnje 25 lětneho wobstaća towarstwa w Budyskim Serbskim domje, na kotrež bě předsydka SŠT Ludmila Budarjowa přeprosyła. Mjez gratulantami běchu mnohe kubłarki a wučerjo a wučerki kaž tež zastupjerjo komunow, serbskich institucijow a towarstwow.