Ze serbskimi motiwami na nowej chódbje

štwórtk, 28. januara 2016
artikl hódnoćić
(0 )
Saskia Drewsec a Rebecca Rathnerec (wotlěwa) kaž tež Wolfgang Goldstein witachu minjenu póndźelu wopytowarjow dnja wotewrjenych duri na Slepjanskej wyšej šuli, mjez druhim Ingrid Stamm.  Foto: Joachim Rjela Saskia Drewsec a Rebecca Rathnerec (wotlěwa) kaž tež Wolfgang Goldstein witachu minjenu póndźelu wopytowarjow dnja wotewrjenych duri na Slepjanskej wyšej šuli, mjez druhim Ingrid Stamm. Foto: Joachim Rjela

Slepo (JR/SN). „Štož wóčko widźi, wěri wutroba“ rěkaše hesło dnja wotewrjenych duri minjenu póndźelu na Slepjanskej wyšej šuli „Dr. Marja Grólmusec“. A to bě we woprawdźitym zmysle słowa měnjene. Hižo při zachodźe witachu ­wopytowarjow holcy w serbskej narodnej drasće. Saskia Drewsec ze 6. lětnika we Wochožanskej a Rebecca Rathnerec z 8. lětnika w Slepjanskej drasće poda­waštej hosćom chlěb a sól. Bjez dźiwa, zo bě šulski nawoda Wolfgang Goldstein hordy na njej. Nowowuhotowanu ­chódbu kubłanišća pyša serbske motiwy na keramiskich wudźěłkach a na protykowych łopjenach. „Wot 5. lětnika poskićamy wučbu serbšćiny a podawamy ­nimo toho wuměłske kubłanje, geografiju a hudźbu w serbskej rěči“, rozłoži ­wučerka serbšćiny Sabina Jurencec z Pančic-Kukowa.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND