Rěčny centrum WITAJ w prócowanjach njepopušći
Budyšin (SN/MiR). Na šěsć tuchwilu wotměwacych so rěčnych kursach serbšćiny, kotrež Budyski Rěčny centrum WITAJ poskića, wobdźěla so něhdźe 56 zajimcow: dźěći a dorosćeni. Wotpohlad RCW běše hišće dalši kurs přewjesć, a to k pospytanju w Čornym Chołmcu. Tam pak njebě dosć zajimcow, tak zo njemóžachu poskitk zarjadować. „Přiwšěm nadźiju njespušćimy, zo so nam tež tam přichodnje poradźi, dosć ludźi za nawuknjenje serbšćiny zahorić“, praji sobudźěłaćerka RCW Weronika Butendeichowa.