Starosće chutnje brać poručenje

pjatk, 19. februara 2016
artikl hódnoćić
(0 )

Transport dźěći a młodostnych je a wostanje dale brizantna tema

Budyšin (SN/MiR). Šulerski transport je dale problem, zaběracy staršich, čejichž dźěći serbsku šulu wopytuja. Tole wobkrući krajnoradny zarjad Budyšin na naprašowanje. „Wšelake njedorozumjenja wobsteja hišće we wašnju transporta, hač z taksu abo busom, a to nastupajo Serbsku zakładnu a wyšu šulu Ralbicy“, zdźěli Gernot Schweitzer z nowinarskeho wotrjada. Mjez druhim běštej so swójbje z Trupina na krajnoradny zarjad wobroćiłoj z próstwu, dźěćom zmóžnić, wosebje po šulskej wučbje z taksu domoj jězdźić směć. Zarjad bě tole wobstejaceje busoweje linije dla wotpokazał. „Zakład tohole rozsuda je zhromadne dorěčenje z protokola wuslědkow z 18. awgusta 2015, kotryž smy ze sakskim ministerstwom za kultus, z kubłanskej agenturu a z Domowinu wothłosowali“, Schweitzer rozłožuje. Tež Ralbičanska šula je zarjadej wobmyslenja rysowała. Tola dotal njeje so ničo změniło. Wot 1. januara jězdźa šulerjo mjez druhim z Komorowa a Trupina z busom do Ralbic do šule.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND