SBAB nowych wučerjow přistajił poručenje

srjeda, 24. februara 2016
artikl hódnoćić
(0 )

Zasadźenje na wjacorych kubłanišćach trěbne

Budyšin (SN/MiR). 45 absolwentow wučerstwa je Budyski regionalny zarjad Sakskeje kubłanskeje agentury (SBAB) 1. februara 2016 za přihotowanski čas na šulach přistajił. Mjeztym woni hižo po zymskich prózdninach nimale tydźeń na jednotliwych kubłanišćach skutkuja. Dokładne informacije, na kotrej šuli su kelko wučerjow přistajili, SBAB njewozjewja. Wšako „njeje aktualne přistajenje hišće wotzamknjene“, zdźěli rěčnica zarjada Angela Ruscher. Zdobom rěča „datoškitne přičiny přećiwo konkretnym informacijam“, wona rozłoži. Jasne pak je, zo skutkuja dźewjećo nowi wučerjo z 45 na zakładnej šuli a dwaj z nich na jednej serbskej. We wobłuku wyšich šulow su to štyrjo, z nich jedyn Serb. Jedyn bu přistajeny jako wučer na spěchowanskej šuli. We wobłuku wyšeho wučerstwa, to rěka na powołanskich šulach, su to sedmjo a na gymnaziju 24. Na Serbskim gymnaziju Budyšin skutkuje wot spočatka druheho połlěta maćernorěčna Serbowka Judith Smolina.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND