Ferialny kurs z mnohimi překwapjenkami

wutora, 29. měrca 2016
artikl hódnoćić
(0 )
Třinaće dźěći wuknje pod nawodom Hanki Smolic a Michała Wowčerja na ferialnym kursu RCW serbsce čitać a pisać.  Foto: Milenka Rječcyna Třinaće dźěći wuknje pod nawodom Hanki Smolic a Michała Wowčerja na ferialnym kursu RCW serbsce čitać a pisać. Foto: Milenka Rječcyna

Prěni ferialny kurs za dźěći, bydlace zwonka serbskeho sydlenskeho ruma, je so dźensa dopołdnja w Budyskim Serbskim domje zahajił. Wjace hač dźesać zajimcow so na poskitku Rěčneho centruma WITAJ wobdźěla.

Budyšin (SN/MiR). Poskitk RCW je za dźěći w starobje wosom do dźesać lět. Wot dźensnišeho hač do pjatka wone w Budyskim Serbskim domje serbšćinu wuknu, zbližeja sej serbski alfabet, zwučuja serbsce čitać a pisać. Wobdźělnicy njebydla w serbskim sydlenskim rumje, ale na přikład w Drježdźanach, Mülsenje abo Berlinje. Přiwšěm maja woni serbskorěčne znajomosće. Wšako staj wobaj staršej abo jedyn z njeju serbskeho pochada,­ abo dźěći maja dobry zwisk k serbskim přiwuznym we Łužicy. Tuž tež tam za čas kursa přenocuja.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND