Maja lětsa wjace chwile so mjez sobu zeznać

wutora, 26. apryla 2016
artikl hódnoćić
(0 )
Marine Gloaguen a Křesćan Korjeńk (prědku) staj dźensa z bretonskimi a Worklečanskimi šulerjemi klóšter Marijinu hwězdu wopytałoj.  Foto: SN/Maćij Bulank Marine Gloaguen a Křesćan Korjeńk (prědku) staj dźensa z bretonskimi a Worklečanskimi šulerjemi klóšter Marijinu hwězdu wopytałoj. Foto: SN/Maćij Bulank

Worklecy (SN/MiR). 32 šulerjow 9. lětnika Collège Diwan Jakez Riou z Quimpera, bretonsce Kemper, je wot zańdźeneho štwórtka, z hosćom Worklečanskeje wyšeje šule „Michał Hórnik“ a Budyskeho Serbskeho gymnazija. Šulerjo a wučerjo we Worklecach su sej nimo wuprawow do Drježdźan a Berlina wosebite poskitki wumyslili. Nawoda Worklečanskeje šule Křesćan Korjeńk praji: „Nam je wažne, zo zeznajomjeja so naši hosćo z wuwučowanjom na našej šuli. Dźensa rano su tuž dwurěčnu wučbu w předmjeće biologija kaž tež wuměłske kubłanje sćěhowali.“ Dopołdnja přebywachu bretonscy a serbscy šulerjo zhromadnje w klóštrje Marijinej hwězdźe w Pančicach-Kukowje. W tamnišej klóšterskej zahrodźe zaběrachu so ze strowym zežiwjenjom a pobychu w dźěłarni za zbrašenych. Wučer na wuměnku Pětr Korjeńk zbliži jim stawizny klóštra.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND