Jurij Kubaš-Nowšan njeboh

pjatk, 29. apryla 2016
artikl hódnoćić
(0 )
Jurij Kubaš-Nowšan † Foto: priwatne Jurij Kubaš-Nowšan † Foto: priwatne

Rěkachu jemu Nowšan, dokelž bě rodźeny (1925) w Nowej Wjesce, we wsy nad Klóšterskej wodu, z kotrejež wuńdźe w prěnimaj powójnskimaj lětdźesat­komaj 33 wustudowanych Serbowkow a Serbow. Jedyn z nich bě nowowučer Jurij Kubaš. Syn skałarja, wuwučeny młynk, zakónči studij w Lipsku jako pedagog dr. phil. a bě wot lěta 1975 wyši wučer a studijny rada. Čas žiwjenja bě wědomostny sobudźěłaćer w centralnym pedagogiskim instituće w Serbskim domje a staraše so wo serbšćinu A-šulstwa­. Spisał je wjace hač 30 wučbnicow serbšćiny, mjez druhim tež za wučerjow metodiku podawanja serbšćiny. Po towaršnostnej změnje zapoda koncept za ewaluaciju serbskeho šulstwa ze žadanjom: „Trjebamy sylny pedagogiski wotrjad.“ W lěće 2004 dokónči wědomostne přepytowanje „Wo wosebitosćach serbsko-němskeje dwurěčnosće“, w kotrymž skedźbni na powjetšace so „tempo našeje wšostronskeje integracije do němskeje towaršnosće“ a na jeje wuskutki na serbsku rěč w zjawnosći, šuli a swójbje.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND