Serbska premjera w NSLDź
Budyšin. Wjeselić móža so lubowarjo komedije jutře na serbsku prapremjeru w Budyskim NSLDź. „Dołhož fenki běža“ kołwrótna inscenacija połna šmjatańcow, zaměnjenjow a žortnych překwapjenkow rěka. Michael Cooney je kruch spisał a Měrana Cušcyna zeserbšćiła. Zawěšk na hłownym jewišću zběhnje so w 19.30 hodź.
Čerstwe chłóšćenki z kotoła
Dubrjenk. Jutře a njedźelu přeprošeja Krječmarjecy z Dubrjenka do swojeho hosćenca „Dubrjenske bahno“ přeco w 11 hodź. na swinjorězanje. Po zwučenym wašnju móža sej ludźo čerstwe chłóšćenki z kotoła tež sobu domoj wzać.
Přednošk a film w hospodźe
Chrósćicy. Frank Böhm, wučer na wuměnku z Heidelberga, změje jutře w 19.45 hodź přednošk w Chróšćanskej putniskej hospodźe. Pod hesłom „Destinacija Santiago – wučer přehnawa. Wěrjomne podawizny z Jakuboweho puća“ wopisuje Frank Böhm swoje dožiwjenja, wo kotrychž je tež knihu ze samsnym titulom napisał. Hižo w 16 hodź. móža sej dźěći wobhladać film „Potajnstwo stareho młyna“.
Do kulturneho centruma