Viktoria Plzeň čěski mišter

wutora, 29. meje 2018 spisane wot:

Kónčna tabulka

1. Viktoria Plzeň   55 : 23  66

2. Slavia Praha   50 : 19 59

3. FK Jablonec   49 : 27  56

4. Sigma Olomouc   41 : 22  55

5. Sparta Praha   43 : 25  53

6. Slovan Liberec   37 : 35  46

7. Bohemians Praha   30 : 29  38

8. FK Teplice   32 : 40  34

9. Mladá Boleslav   31 : 43  34

10. FC Fastav Zlín   31 : 48  33

11. Dukla Praha   32 : 55  32

12. Baník Ostrava   36 : 43  31

13. 1. FC Slovacko   23 : 32  31

14. MFK Karviná   32 : 40  30

15. Vysočina Jihlava   30 : 48  30

16. FC Brno   20 : 43  24


Koparske mišterstwa sezony 2017/2018 w Čěskej su zakónčene. Hižo wjacore hrajne dny do toho bě jasne, zo sej mustwo z města piwa titul zawěsći. Vikto­ria Plzeň ma sydom dypkow předskoka před lońšim mištrom Slaviju Praha. Je to po­ lětach 2011, 2015 a 2016 nětko štwórty wuspěch w běhu sydom lět. Kluby­ ze sewjerneho dźěla kraja drje budu­ z wotrěznjenjom spokojom: Jablonec wobsaźi bronzowe městno, Liberec bu šesty, Teplice a Mladá Boleslav steja na městnomaj 8 a 9.

Wuslědki (29.05.18)

wutora, 29. meje 2018 spisane wot:

Kopańca, krajna klasa

Drježdźanski SC – Borea Drježdź. 2:6 (1:1)

Oderwitz – Nowe Město  0:3 (0:0)

Horni kraj-Sprjewja – Ćisk 3:0 (0:0)

Laubegast – Neugersdorf II 3:0 (3:0)

Trjebin – Drježdźany-Strěžin 0:2 (0:0)

Chrósćicy – Mužakow 1:3 (0:0)

Nowosólc-Hródk – Weixdorf 3:0 (2:0)

1. FSV Nowosólc-Hródk 23 67 : 29 51

2. LSV Nowe Město 23 62 : 41 46

3. Laubegast 23 56 : 42 42

4. Čerwj.-běli Mužakow 23 52 : 32 39

5. SZ Drježdźany-Strěžin 23 48 : 29 35

6. ST Horni kraj-Sprjewja 23 50 : 38 33

7. FC Neugersdorf II 23 46 : 38 33

8. FSV Oderwitz 02 23 50 : 49 32

9. SG Weixdorf 23 43 : 43 31

10. ST Ćisk 23 40 : 48 30

11. SJ Chrósćicy 23 35 : 51 26

12. SC Borea Drježdźany 23 44 : 67 24

13. ST Trjebin 23 27 : 70 22

14. Drježdźanski SC 23 39 : 82 9

wokrjesna wyša liga

Rakecy – Großröhrsdorf 1:1 (0:1)

Kulow – Kumwałd1:2 (0:1)

Bukecy – Großnaundorf 0:1 (0:1)

Wojerowski FC – Ralbicy/Hórki 4:2 (3:0)

Póst Germ. Budyšin – ST Budyšin 5:1 (1:1)

Hory – Hnašecy-Dobruša wupad

Wjelećin – Ramnow1:6 (0:3)

Radwor – Kinspork/Łužnica 3:3 (2:2)

tabulka wokrjesneje ligi, stafla II

1. Natw. Němske Pazlicy 27 94 : 26 66

2. ST Marijina hwězda 27 70 : 28 52

3. SJ Njebjelčicy 27 61 : 40 52

4. ST Lubuš 27 64 : 41 51

5. SV Haselbachtal 27 71 : 50 48

6. HZ Łaz/Běły Chołmc 27 50 : 33 47

7. Wojerowski FC II 27 57 : 49 39

8. Nowe Město II 27 51 : 62 39

9. FSV Łuty 27 50 : 65 35

10. ST Wulka Dubrawa 27 48 : 60 34

11. ST Ćisk II 27 48 : 61 30

12. Nadrózna Hrabowka 27 51 : 66 30

13. Rakečanske ST II 27 34 : 59 27

14. HZ Wulke Ždźary 27 37 : 55 26

15. SJ Chrósćicy II 27 43 : 86 24

16. Zeleno-běli Sepicy 27 24 : 72 15

Energija zaso w třećej lize

póndźela, 28. meje 2018 spisane wot:

Po wčerawšim remisu 0:0 we wróćohrě wo postup a štwórtkownym dobyću 3:2 pola SC Weiche Flensburg je so­ FC Energija Choćebuz po lětomaj w štwórtej lize­ zaso do třećeje najwyšeje kopar­skeje ligi Němskeje wróćiła.

SC Weiche Flensburg 08

– FC Energija Choćebuz 2:3 (0:3)

Zestawa hosći: Spahić – Starcew, Stein, Matuwila, Schlüter, Kruse, de Freitas, Wei­dlich (72. Scheidhauer), Zimmer (75. Gehr­mann), Viteritti, Mamba (78. Siebeck)

Eskortěrowany wot 3 000 sobujěducych fanow je mišter sewjerowuchod­neje stafle prěnjeho stafle sewjer w prěnim połčasu nimale ze stadiona w Kielu wottřělił. FC Energija bě absolutnje dominantna a zahori swój přiwisk z trojimi wrotami. Perfektnu přihrawku Kevina Weidlicha, nadběhowaceho na prawym křidle, wuži centralnje zaběžacy Streli Mamba k nawjedowanju. Wón sam posłuži 13 mjeńšin pozdźišo Maximiliana Zimmera, kiž suny­ bul nimo Flensburgskeho wrotarja k 2:0 do syće. Zimmer postara so we 38. min. z wólnym kopom ze zda­lenosće 18 metrow wo sensacionelny mjezywuslědk po prěnim z dohromady štyrjoch relegaciskich połčasow.

Energija Choćebuz so nawróćiła

póndźela, 28. meje 2018 spisane wot:
Mustwo FC Energija Choćebuz je so do profijoweje kopańcy nawróćiło. Wčera drje su chowan­cy trenarja Clausa-Dietera Wollitza trawnik z njerozsudnym 0:0 wopu­šćili, přiwšěm hraja woni wot přichodneje sezony zaso w třećej najwyšej koparskej lize Němskeje. Prěnju relegacisku partiju přećiwo mustwu SC Weiche Flensburg běchu­ Łužiče­njo minjeny štwórtk w Kielu 3:2 dobyli, tuž dosahaše wčera remis za po­stup. Hnydom po wothwizdanju bě wjeselo mjez koparjemi wulke, hišće wjetše­ pak mjez přiwisnikami, kotřiž swjećachu na hrajnišću ze swojimi idolemi nawrót­ do pro­fi­joweje ligi. Čitajće tež na 3. stronje. Foto: Georg Zielonkowski

Třeći wuspěch za sobu žnjeli

póndźela, 28. meje 2018 spisane wot:

SJ Chrósćicy II – ST Ćisk II 4:2 (1:2)

Zestawa domjacych: Matješk – Dórnik, Bětnar, Mark, Wowčer, Šołta (74. Donat), Žur, Młynk, Domaška, Šmit (87. Jakubaš), Liznar

Awtor dźensa Křesćan Korjeńk

„Je kónc, je kónc, je ze wšěm kónc ...“, tak mó­žeš tuchwilnu situaciju w kopańcy wopisować. Na nišej runinje drje hišće za bulom honja, ale kusk wyše a hišće kusk wyše je hižo wšitko rozsudźene. Tola cyle wysoko horjeka so horcy bój wo titul swětoweho mištra hakle za někotre dny započnje. Němska słuša k faworitam, tež druhe kraje pak maja swoje ambicije, kotrež tež njezamjelča. Wězo so ći lěpje hraje, hdyž njenosyš ze sobu brěmješko faworita, ale hdyž sy skerje tón palčik, kotryž je za překwapjenje stajnje kmany.

Hrajerjo za naše koparske narodne mustwo su nominowani, a hižo su prěnje mjerzanja. Druhdy zda so mi to kaž kusk dźěćkace: Njesměm-li sobu jěć, potom so wšeho wzdam a wozjewju swój wotstup z narodneho mustwa. Hač drje je sej Sandro Wagner myslił, zo jemu hraće pola Bayerow takrjec nominaciju garantuje? Najskerje tam někotrym hrajerjam pjenjezy do hłowy stupaja. Hinak njemóžu sej jich zadźerženje po přěhratym finalu w Berlinje wujasnić. Słuša so cyle jednorje, zo dobyćerjej gratuluješ. A što sej to hišće do zamołwjenjow wumysla, ně, to woprawdźe boli.

Wuslědki (28.05.18)

póndźela, 28. meje 2018 spisane wot:

Kopańca, wokrjesna liga stafla II

Wojerowski FC II –

Nadrózna Hrabowka3:3 (1:1)

Łaz/Běły Chołmc – Haselbachtal 2:0 (0:0)

Lubuš – HZ Wulke Ždźary 2:3 (0:1)

Nowe Město II – Sepicy 2:1 (1:0)

Chrósćicy II – Ćisk II4:2 (1:2)

Marijina hwězda – Łuty 3:1 (2:1)

Rakecy II – Njebjelčicy 2:3 (1:1)

Němske Pazl. – Wulka Dubrawa 1:0 (4:0)

Sport (25.05.18)

pjatk, 25. meje 2018 spisane wot:

Energija chce postupić

Wulki dźeń móhło njedźelu prěnje koparske mustwo FC Energije Choćebuz swjećić. W Stadionje přećelstwa wočakuje wone wot 14 hodź. SC Weiche Flensburg 08 k wróćohrě wo postup do třećeje ligi. Prěni duel je Energija wčera dobyła. Choćebuski stadion je z 22 000 městnami kompletnje wupředaty.

Kónctydźenska kopańca

25.05. 18:30  Sokoł Ralbicy/Hórki

  – HZ Hórnikecy

  (stari knježa)

26.05.  13:00  Módro-běli Kulow II

  – FSV Šćeńca

26.05.  14:00  Rakečanske ST

  – SC Großröhrsdorf

26.05.  15:00  SV Hermsdorf II

  – SJ Njebjelčicy II

26.05.  15:00  Módro-běli Kulow

  – Motor Kumwałd

26.05.  15:00  Wojerowski FC

  – Sokoł Ralbicy/Hórki

27.05.  12:30  SJ Chrósćicy II

  – ST Ćisk II

27.05.  13:00  ST Marijina hwězda

  – FSV Łuty

27.05.  14:00  Rakečanske ST II

  – SJ Njebjelčicy

27.05.  15:00  SJ Chrósćicy

  – Čerwjeno-běli

  Mužakow

27.05.  15:00  ST Radwor

  – ST Kinspork/Łužnica

Wobornicy so wubědźuja

Dalšej sportowej wubědźowani wobornikow budźetej zajutřišim w Konjecach a delnich Sulšecach. W Konjecach wojuja kameradojo zarjadniskeho zwjazka při Klóšterskej wodźe Pančicy-Kukow wot 10 hodź. wo dypki, w Sulšecach wubědźuja so wot 13.30 hodź. wo pokal ­města Kulowa.

Běhi po parku

XVI. wšosokołski zlět woła

štwórtk, 24. meje 2018 spisane wot:

Čěska stolica Praha budźe wot 1. do 6. ju­lija zetkanišćo Sokołow z cyłeho swěta, mjez nimi tež serbskich. Wot prěnjeho zlěta w lěće 1882 přewjedu so mjeztym 16. raz masowe sportowe zarjadowanja, hdźež po­skićeja kulturne programy. Lětuši zlět steji w znamjenju stoteje róčnicy załoženja republiki, 70. róčnicy zhubjenja swobody přez hitlerowcow a 50. róčnicy Praskeho nalěća.

Połnje zasłuženy wuspěch

štwórtk, 24. meje 2018 spisane wot:

HZ Łaz/Běły Chołmc

– SJ Njebjelčicy 1:2 (0:0)

Zestawa hosći: Hahn – Hoelzel, S. Kral, Hrjehor, Pawlik, Šołta, Hanuza, Haška, Lejnart, Čornak (89. D. Kral), Korjeńk (90+3. Domš)

Nachwatanska partija 21. hrajneho dnja koparjow bě sobotu w Šćeńcy. Tamniše towarstwo bě wo to prosyło, zo by so kopańca do wobłuka domizniskeho swjedźenja zapřijała. Štož pak aktiwnych na „łuce“ wočakowaše, njewotpowědowaše normalnej předstawje wo hrajnišću. Tak dóńdźe tež k nawjedowanju k 1:0 za domjacych w 56. min. Před Stefanom Kralom wotskoči bul tak, zo jón hižo pod kontrolu njedósta, a tuž sma­leše domjacy Weigel runu smuhu nimo a trjechi do syće Nica Hahnowych wrotow. W prěnim wotrězku hry pak běchu Njebjelčenjo aktiwniši a móhli hižo nawjedować. Po rjanym soloběhu Roberta Lejnarta storči wrotar bul runje hišće tak k róžkej (10.). Wótry wólny kop Gabriela Čornaka z něhdźe 25 metrow wón tohorunja wotwobara (27.). Z poslednim a zdobom najrjeńšim nadběhom do přestawki přez prawu stronu spřihotowany přez Lejnarta sadźi Handrij Korjeńk bul z central­neje pozicije na łatu domjaceje klětki.

nawěšk

nowostki LND