Wolejbulowy krimi w pěsku
Kónčna tabulka regionalnych mišterstwow w bičwolejbulu:
1. Serbski gymnazij Budyšin 4 13:7
2. Humboldt. gymn. Radeberg 4 12:6
3. Ch. Weisowy gymn. Žitawa 4 12:7
4. Wyša šula Niska 0 1:18
Najstarša šulerska starobna skupina bičwolejbulistow Serbskeho gymnazija Budyšin (SGB) je při Olbersdorfskim jězoru wuchodosakske finale dobyła. Šulerki a šulerjo 10. a 11. lětnika wubědźichu sej we wurisanju „Młodźina trenuje za olympiju“ złotu medalju a kwalifikowachu so za sakske krajne finale 12. junija w Drježdźanach.
Třeći raz skwalifikowa so cyłk SGB za sakske finale w sportowej družinje bičwolejbul. W lětomaj 2014 a 2016 wróćichu so naši šulerjo stajnje ze 4. městnom, srjedź junija chcedźa holcy a hólcy wokoło kapitana Dawida Wowčerja znowa wo dobre zaměstnjenje wojować.
Wjacori serbscy běharjo na podestnych městnach
10. swjatkowne běhi wokoło Bjerwałdskeho jězora z rekordnym wobdźělenjom
517 atletow, štož běše nowy rekord, je při rjanym Bjerwałdskim jězoru na jednej z pjeć płonych distancow na 0,8 km, 3 km, 5 km, 10 km a 21,1 km cil docpěło. Mjez wobdźělnikami wojowaše tež lětsa zaso z brawuru dobry dźesatk serbskich lubowarjow běhanja. Serbja wudobychu sej jedne cyłkowne druhe městno a we wotpowědnych starobnych klasach wosom medaljowych městnow.
Na čarje 3 km wubědźowachu so šulerjo pod 10 a 12 lětami. Tu běštaj Schadec bratr a sotra za Serbsku šulu Budyšin wuspěšnaj: Jarek Schade docpě cyłkowne 2. městno a w starobnej skupinje prěnje městno (12:06 min) a sotra Jitka 3. městno w samsnej skupinje (14:17 min). Na distancy 5 km běštaj dobyćerjej Konrad Hlawenka z Drježdźan (17:48 min) a Tamina Poike z Ringenhaina (20:38 min). Šuler Dawid Žur z Lejna wubědźi sej w skupinje pod 14 lětami 2. městno (21:46 min).
Koparjo Njebjelčanskeje SJ dale wuspěšni
SJ Njebjelčicy
– Nowe Město II 7:0 (3:0)
Zestawa domjacych: Hahn – Hoelzel, Hrjehor, Pawlik (65. D. Kral), Hanuza, Haška, Lejnart, S. Kral, Čornak (65. Zeller), Ričel (65. Domš), Korjeńk
Njebjelčanski trenar Handrij Krawčik bě zbožowny, zo měješe nimale swój kompletny kader k dispoziciji. Zwjeselace tež bě, zo dósta prěnje mustwo Sportoweje jednotki Njebjelčicy do zakopa nowu kompletnu hrajnu garnituru přepodatu. Dobry partner a sponsor je SJN Njebjelčanske Misalic transportne předewzaće. Šef firmy Matthias Misala přepoda kapitanej Jurjej Hašce nowu kolekciju.
Ze spěšnymi wrotami Handrija Korjeńka w 5. min. domjacy zwuraznichu, zo chcedźa partiju na kóždy pad dobyć. Dalše dobre nadběhi, wosebje přez lěwu stronu přez spěšneho Leopolda Hoelzela a přez agilneho Gabriela Čornaka, pokazachu na hrajersku přewahu Njebjelčanow. Tak padnychu hišće wrota přez Roberta Lejnarta (21.) a Korjeńka (39.) k 3:0.
Viktoria Plzeň čěski mišter
Kónčna tabulka
1. Viktoria Plzeň 55 : 23 66
2. Slavia Praha 50 : 19 59
3. FK Jablonec 49 : 27 56
4. Sigma Olomouc 41 : 22 55
5. Sparta Praha 43 : 25 53
6. Slovan Liberec 37 : 35 46
7. Bohemians Praha 30 : 29 38
8. FK Teplice 32 : 40 34
9. Mladá Boleslav 31 : 43 34
10. FC Fastav Zlín 31 : 48 33
11. Dukla Praha 32 : 55 32
12. Baník Ostrava 36 : 43 31
13. 1. FC Slovacko 23 : 32 31
14. MFK Karviná 32 : 40 30
15. Vysočina Jihlava 30 : 48 30
16. FC Brno 20 : 43 24
Koparske mišterstwa sezony 2017/2018 w Čěskej su zakónčene. Hižo wjacore hrajne dny do toho bě jasne, zo sej mustwo z města piwa titul zawěsći. Viktoria Plzeň ma sydom dypkow předskoka před lońšim mištrom Slaviju Praha. Je to po lětach 2011, 2015 a 2016 nětko štwórty wuspěch w běhu sydom lět. Kluby ze sewjerneho dźěla kraja drje budu z wotrěznjenjom spokojom: Jablonec wobsaźi bronzowe městno, Liberec bu šesty, Teplice a Mladá Boleslav steja na městnomaj 8 a 9.
Wuslědki (29.05.18)
Kopańca, krajna klasa
Drježdźanski SC – Borea Drježdź. 2:6 (1:1)
Oderwitz – Nowe Město 0:3 (0:0)
Horni kraj-Sprjewja – Ćisk 3:0 (0:0)
Laubegast – Neugersdorf II 3:0 (3:0)
Trjebin – Drježdźany-Strěžin 0:2 (0:0)
Chrósćicy – Mužakow 1:3 (0:0)
Nowosólc-Hródk – Weixdorf 3:0 (2:0)
1. FSV Nowosólc-Hródk 23 67 : 29 51
2. LSV Nowe Město 23 62 : 41 46
3. Laubegast 23 56 : 42 42
4. Čerwj.-běli Mužakow 23 52 : 32 39
5. SZ Drježdźany-Strěžin 23 48 : 29 35
6. ST Horni kraj-Sprjewja 23 50 : 38 33
7. FC Neugersdorf II 23 46 : 38 33
8. FSV Oderwitz 02 23 50 : 49 32
9. SG Weixdorf 23 43 : 43 31
10. ST Ćisk 23 40 : 48 30
11. SJ Chrósćicy 23 35 : 51 26
12. SC Borea Drježdźany 23 44 : 67 24
13. ST Trjebin 23 27 : 70 22
14. Drježdźanski SC 23 39 : 82 9
wokrjesna wyša liga
Rakecy – Großröhrsdorf 1:1 (0:1)
Kulow – Kumwałd1:2 (0:1)
Bukecy – Großnaundorf 0:1 (0:1)
Wojerowski FC – Ralbicy/Hórki 4:2 (3:0)
Póst Germ. Budyšin – ST Budyšin 5:1 (1:1)
Hory – Hnašecy-Dobruša wupad
Wjelećin – Ramnow1:6 (0:3)
Radwor – Kinspork/Łužnica 3:3 (2:2)
tabulka wokrjesneje ligi, stafla II
1. Natw. Němske Pazlicy 27 94 : 26 66
2. ST Marijina hwězda 27 70 : 28 52
3. SJ Njebjelčicy 27 61 : 40 52
4. ST Lubuš 27 64 : 41 51
5. SV Haselbachtal 27 71 : 50 48
6. HZ Łaz/Běły Chołmc 27 50 : 33 47
7. Wojerowski FC II 27 57 : 49 39
8. Nowe Město II 27 51 : 62 39
9. FSV Łuty 27 50 : 65 35
10. ST Wulka Dubrawa 27 48 : 60 34
11. ST Ćisk II 27 48 : 61 30
12. Nadrózna Hrabowka 27 51 : 66 30
13. Rakečanske ST II 27 34 : 59 27
14. HZ Wulke Ždźary 27 37 : 55 26
15. SJ Chrósćicy II 27 43 : 86 24
16. Zeleno-běli Sepicy 27 24 : 72 15
Energija zaso w třećej lize
Po wčerawšim remisu 0:0 we wróćohrě wo postup a štwórtkownym dobyću 3:2 pola SC Weiche Flensburg je so FC Energija Choćebuz po lětomaj w štwórtej lize zaso do třećeje najwyšeje koparskeje ligi Němskeje wróćiła.
SC Weiche Flensburg 08
– FC Energija Choćebuz 2:3 (0:3)
Zestawa hosći: Spahić – Starcew, Stein, Matuwila, Schlüter, Kruse, de Freitas, Weidlich (72. Scheidhauer), Zimmer (75. Gehrmann), Viteritti, Mamba (78. Siebeck)
Eskortěrowany wot 3 000 sobujěducych fanow je mišter sewjerowuchodneje stafle prěnjeho stafle sewjer w prěnim połčasu nimale ze stadiona w Kielu wottřělił. FC Energija bě absolutnje dominantna a zahori swój přiwisk z trojimi wrotami. Perfektnu přihrawku Kevina Weidlicha, nadběhowaceho na prawym křidle, wuži centralnje zaběžacy Streli Mamba k nawjedowanju. Wón sam posłuži 13 mjeńšin pozdźišo Maximiliana Zimmera, kiž suny bul nimo Flensburgskeho wrotarja k 2:0 do syće. Zimmer postara so we 38. min. z wólnym kopom ze zdalenosće 18 metrow wo sensacionelny mjezywuslědk po prěnim z dohromady štyrjoch relegaciskich połčasow.
Energija Choćebuz so nawróćiła
Třeći wuspěch za sobu žnjeli
SJ Chrósćicy II – ST Ćisk II 4:2 (1:2)
Zestawa domjacych: Matješk – Dórnik, Bětnar, Mark, Wowčer, Šołta (74. Donat), Žur, Młynk, Domaška, Šmit (87. Jakubaš), Liznar
Widźał,słyšał, napisał (28.05.18)
„Je kónc, je kónc, je ze wšěm kónc ...“, tak móžeš tuchwilnu situaciju w kopańcy wopisować. Na nišej runinje drje hišće za bulom honja, ale kusk wyše a hišće kusk wyše je hižo wšitko rozsudźene. Tola cyle wysoko horjeka so horcy bój wo titul swětoweho mištra hakle za někotre dny započnje. Němska słuša k faworitam, tež druhe kraje pak maja swoje ambicije, kotrež tež njezamjelča. Wězo so ći lěpje hraje, hdyž njenosyš ze sobu brěmješko faworita, ale hdyž sy skerje tón palčik, kotryž je za překwapjenje stajnje kmany.
Hrajerjo za naše koparske narodne mustwo su nominowani, a hižo su prěnje mjerzanja. Druhdy zda so mi to kaž kusk dźěćkace: Njesměm-li sobu jěć, potom so wšeho wzdam a wozjewju swój wotstup z narodneho mustwa. Hač drje je sej Sandro Wagner myslił, zo jemu hraće pola Bayerow takrjec nominaciju garantuje? Najskerje tam někotrym hrajerjam pjenjezy do hłowy stupaja. Hinak njemóžu sej jich zadźerženje po přěhratym finalu w Berlinje wujasnić. Słuša so cyle jednorje, zo dobyćerjej gratuluješ. A što sej to hišće do zamołwjenjow wumysla, ně, to woprawdźe boli.
Wuslědki (28.05.18)
Kopańca, wokrjesna liga stafla II
Wojerowski FC II –
Nadrózna Hrabowka3:3 (1:1)
Łaz/Běły Chołmc – Haselbachtal 2:0 (0:0)
Lubuš – HZ Wulke Ždźary 2:3 (0:1)
Nowe Město II – Sepicy 2:1 (1:0)
Chrósćicy II – Ćisk II4:2 (1:2)
Marijina hwězda – Łuty 3:1 (2:1)
Rakecy II – Njebjelčicy 2:3 (1:1)
Němske Pazl. – Wulka Dubrawa 1:0 (4:0)
