Serbske Nowiny

pjatk, 08 meje 2015 14:00

Krótkopowěsće (08.05.15)

Spěchuja Lessingowy dom

Kamjenc. Zwjazk spěchuje saněrowanje podzemja Kamjenskeho Lessingoweho domu z wjace hač 120 000 eurami z programa „Inwesticije za narodne kulturne zarjadnišća we wuchodnej Němskej“. To wobkrući tele dny zwjazkowa ministerka za kulturu prof. dr. Monika Grütters zapósłanči zwjazkoweho sejma Mari Michałkowej (CDU).

Přijeće k pólskemu swjatkej

Berlin. Wulkopósłanc Pólskeje w Němskej dr. Jerzy Margański je wčera něhdźe sto hosći w Berlinje přijał. Aktualna přičina bě róčnica Konstitucije 3. meje, z kotrejž bě pólski sejm 1791 prěnju modernu wustawu Europy w zmysle rozswětlerstwa schwalił. Za Zwjazk serbskich wuměłcow wobdźělištaj so Alfons Wićaz a prof. dr. Dietrich Šołta na zetkanju.

Chróšćenjo dóstanu premiju

Chrósćicy. Projekt dźěći, młodostnych a staršich ze wsy a z wo­ko­liny „Přirodźe bliska zahroda w Chróšćanskej pěstowarni“ słuša k najlěpšim lětušeje 48hodźinskeje akcije. Za to dóstanu 250 eurow. Premiju zmóžnja Budyska wokrjesna lutowarnja. We wokrjesu Budyšin chce so lětsa dohromady 84 skupin na akciji wobdźělić, kaž zdźělichu.

štwórtk, 07 meje 2015 14:00

Widaj ­na kongres EFA

u Serbske Nowiny su Klawsa Thielmanna a Martina Lorenzena prosyli, swoje mysle napisać. Foto: Axel Arlt

štwórtk, 07 meje 2015 14:00

Do kina (07.05.15)

7.5.–13.5.2015: Pitch Perfect 2: srj 19:45 hodź. Kein Ort ohne Dich: wšědnje 16:45 a 19:30 hodź. Avengers – Age of Ultron: wšědnje 14:15 hodź. (nimo štw, pó a srj), 16:15 a 19:15 hodź. | pj, so a srj 22 hodź. | w 3 D Fast & Furios 7: wšědnje 19:15 hodź. (nimo srj) | pj, so a srj 22:15 hodź. Tinkerbell und die Legende vom Nimmerbiest: wšědnje 17:15 hodź. | w 3 D Honig im Kopf: pj, nj a wu 17 hodź. | štw, so a srj 19:30 hodź. Halbe Brüder: so a srj 22:15 hodź. Der Kaufhaus Cop 2: nj 12:45 hodź. Der Nanny: štw, so a srj 17 hodź. | pj, nj a wu 19:45 hodź. | pj, so a srj 22:15 hodź. American Sniper: pj 22 hodź. Shaun das Schaf: pj, so, nj a wu 14:45 hodź. Home – Ein smektakulärer Trip: nj 12:30 hodź. | w 3 D Gespenster­jäger – Auf eisiger Spur: nj 12:30 hodź. Cinderella: pj, so, nj a wu 14:30 hodź.

Kino-ekstra: Als wir träumten: pó 17:15 a 20:15 hodź.

štwórtk, 07 meje 2015 14:00

Policija (07.05.15)

Kuchinski grat drohi był

Kamjenc. Před móžnymi wobšudnikami warnuje policija w Kamjencu a wokolinje. 89lětneho wobydlerja Lessingoweho města je zawčerawšim njeznaty muž narěčał a wudawał, zo chce jemu antikske meble za njemało pjenjez wotkupić. Popołdnju chcyše pjenjezy přinjesć. W běhu rozmołwy poskići njeznaty kófer z kuchinskim gratom, kotryž bě pječa jara­ drohotny a 700 eurow hódny. Rentnar jemu to wěrješe a nahladnu sumu na městnje zapłaći. Něšto hodźin pozdźišo, jako podarmo na muža čakaše, poča­ starc dwělować, hač bě wšitko prawje­ činił, a informowaše policiju.

štwórtk, 07 meje 2015 14:00

Wuběrna stawizniska hodźina

Po lońšim prěnim dźělu čakachu čłonojo Domowinskeje skupiny Pančicy-Kukow njesćerpnje na druhi dźěl přednoška Alfonsa­ Kuringa wo stawiznach swojeje wsy. Wčera dožiwi wjace hač 30 ludźi hodźinski­ film, wopřijacy dobu z časa wozytwarca Mikławša Truca hač k wu­zwolenju Stanisława Tilicha za sakskeho ministerskeho prezidenta w lěće 2008. Bě to wuběrna stawizniska lekcija, kotraž přihladowarjam wuwědomi, kak bohate Pančicy-Kukow na zajimawe wosobiny a wosebite podawki poprawom su. Při zestajenju paska je Alfons Kuring tež ma­terial­ Jana Krawže, Marija Ošiki kaž tež Serbskeho kulturneho archiwa a swójskeho archiwa wužiwał. Při třihanju bě jemu poboku Thomas Kleinstück z Kamjenskeho medijoweho centruma.

štwórtk, 07 meje 2015 14:00

Do cyrkwjow a muzejow pohladać

Kamjenc (SN). Z wobšěrnym a mnohostronskim programom přeprošeja Kamjenske cyrkwje a muzeje zajutřišim, 9. meje, na nóc cyrkwjow a muzejow. Hižo sedmy raz móža nócne hawrony wot 17.30 do 24 hodź. po Lessingowym měsće dundać a při tym wjele zajima­weho nazhonić. W Marinej cyrkwi informuja wo technice pišćelow a zahraja na nich. Pohladnyć móža zajimcy tež do Katechizmoweje cyrkwje. Při Haninej cyrkwi móžeš so ze stawiznami kěrchowa zeznajomić a z tamnišeje wěže jónkrótny wuhlad na wječorny Kamjenc dožiwi­ć. Katolska cyrkej swj. Marije Ma­dleny budźe­ tohorunja přistupna.

Klankodźiwadło, čitanja a wodźenja změja w Lessingowym muzeju přihotowane. W měšćanskim muzeju předstaji so dźěćaca a młodźinska molowanska šula. W elementariju wotwjedu wopytowarjow do časa Germanow a při słodarni změja samo mobilnu piwarnju. Programowe zešiwki dóstanjeće we wobdźě­lenych zarjadnišćach, w Kamjenskej informaciji, w radnicy a we wobchodach.

štwórtk, 07 meje 2015 14:00

Pokiwy (07.05.15)

Swjeća z mejemjetanjom

Worklecy. Na mejemjetanje přepro­šatej jutře, pjatk, Worklečanska zakładna a wyša šula „Michał Hórnik“ wšitkich šulerjo­w, staršich a dalšich zajimcow na šulski dwór. Mejemjetanje započnje so w 17.30 hodź. Přizamknje so dworowy swjedźeń.

Kandidaća so předstaja

Budyšin. Do saněrowaneho Kamjentneho domu přeproša Budyska měšćanska swójbna rada jutře, pjatk, w 20 hodź. W diskusijnym kole chcedźa kandidaća za wólby Budyskeho wyšeho měšćanosty swoje nahlady a ideje wo swójbnej poli­tice w sprjewinym měsće prezentować. Za prašenja z publikuma a za wotmołwy kandidatow budźe dosć chwile.

Na sympozij a koncert

Choćebuz. Ze žiwjenjom a skutkowanjom etnografa Oskara Kolberga a z jeho zasłužbami za Łužicu zaběra so sobotu, 9. meje, wot 9 do 15 hodź. sympozij w Choćebuskim měšćanskim domje. W 17 hodź. přizamknje so klawěrny koncert z pólskimi a serbskimi twórbami.

Štyri wosoby zranichu so wčera při wohenju na Wojerowskej Hasy Friedricha Löfflera. 32lětny muž bě swoje bydlenje wotpohladnje zapalił. Jeho kaž tež dweju wobydlerjow domu dowjezechu do chorownje, tež wohnjowy wobornik dyrbješe so lěkarsce zastarać dać. Žane z dwanaće bydlenjow njehodźi so tuchwilu wužiwać. Podružnicy maja nachwilny schow pola přiwuznych, znatych abo w hotelu. 50 wobornikow je woheń hašało. Za motiwom zapalerja kriminalisća nětko slědźa. Foto: Christian Essler

štwórtk, 07 meje 2015 14:00

Krótkopowěsće (07.05.15)

Nowostka Kita Lorenca wušła

Lipsk. „Windei in der Wasserhose des Eisheiligen – Gedichte und Schmungks“ rěka nowa kniha Kita Lorenca, kotraž je te­le dny w Lipšćanskim nakładnistwje Poetenladen wušła. Na wjace hač sto stronach hromadźi 8. zwjazk rjadu Neue Lyrik nowe němskorěčne basnje wjacekróć wuznamjenjeneho spisowaćela.

Česća tež ameriskich wojakow

Plzeň. Před 70 lětami bě ameriske wójsko­ juhozapadnu Čěsku wot fašizma wuswobodźiło. Składnostnje róčnicy wot­krychu nětko w Plzenje postawu tehdy­ nawjedowaceho generala Georga S. Pattona. W socialistiskej Čěskosłowakskej su jeničce rólu Čerwjeneje armeje při powalenju fašizma wuzběhnyli – ameriski podźěl spytachu zamjelčeć.

Nalada w rjemjesle špatna

štwórtk, 07 meje 2015 14:00

Serbske temy w srjedźišću

13. a 14. meje wotměje so we Waršawje mjezynarodna konferenca na temu „Slědźenje wo mjeńšinach“. Milenka Rječcyna je so z organizatorku dr. Nicole Dołowy-Rybińskej rozmołwjała.

Z kotreje přičiny wěnujeće so na kongresu hłownje Łužiskim Serbam?

Dr. N. Dołowy-Rybińska: Tale mjeztym třeća tajka konferenca po lětomaj 2007 a 2011 zaběra so wosebje ze sorabistiku. Na Waršawskej uniwersiće mamy tójšto zajimcow za slědźenja wo Serbach, ale tež wo Kašubach jako słowjanskej mjeńšinje. Tónkróć chcemy sorabistiku w europskej perspektiwje rozjimać.

Na konferency wobdźěla so ze stron Serbow předewšěm zastupjerjo wědomostnych institucijow. Čehodla njebudu tež tajcy z wobłuka kultury a dalši pódla?

Dr. N. Dołowy-Rybińska: Schadźowanje je wusměrjene na wědomostnikow z wobłuka mjeńšinoweho a rěčneho slědźenja. Ministerstwo za wědomosć a kubłanje zeńdźenje spěchuje, podpěrujo předewšěm wědomostne institucije.

Změja zajimcy, kotřiž so we Waršawje njewob­dźěla, składnosć, wo wuslědkach zhonić?

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND