Móža z testom spokojom być

póndźela, 12. awgusta 2019 spisane wot:

SJ Chrósćicy – Budissa Budyšin 2:4 (1:1)

Zestawa domjacych: Králíček – Püschel, Cyž, Sentivan, L. Zahrodnik, M. Zahrodnik, G. Zahrodnik, Henzl, Bína, Runt, Bogusz­, Zynda, Matješk

Na poslednju testowu hru je nowy krajny ligist Budissa Budyšin do Chrósćic přijěł. Z trenarjom Tomašom Henčlom a jeho synom Tomom nastupištej na stro­nje hosći dwě znatej mjezwoči.

Wot spočatka bě widźeć, zo chce młode koparske mustwo Budissy swoje nadběhi ze spěšnych kombinacijow natwarjeć a tak na domjacych ćišć wukonjeć. Chróšćanska defensiwa pak bě derje na to nastajena. Hosćo hru přiwšěm dominowachu. Spočatnje wšak na woběmaj stronomaj k wulkim šansam njedóńdźe. SJC pytaše swoje šansy přez kontery, a to wo­sebje přez Filipa Henzla. Ale konsekwentni Budyšenjo móžachu šansam zadźěwać. We 18. min. bu Pavel Bína w šěsnatce foulowany, a Henzl jědnatku přetwori. Krótko do połčasa pak pře­ćiwnik wuruna. Po rjenje wuhratym konteru přewiny Maximilian Röhle Petra Králí­čeka k 1:1 (38.).

Wuslědki (12.08.19)

póndźela, 12. awgusta 2019 spisane wot:

Tabulka dorosta Zapadołužiskeho koparskeho zwjazka

młodźina F, wokrjesna liga, stafla 1

1. Póst Germania Budyšin 10 10 :0  30

2. Zeleno-běli Bukecy 10 8 :2  24

2. Horni kraj-Sprjewja F1 10 8 :2  24

4. SZ Hnašecy-Dobruša 10 6 :3  19

5. Motor Kumwałd 10 6 :4  18

6. ST Wulka Dubrawa 10 4 :4  14

6. ST Huska II 10 4 :4  14

8. Wóspork/Hrodźišćo 10 3 :7  9

9. FSV Budissa Budyšin II 10 2 :8  6

10. ST Bart 10 1 :8  4

11. ST 1922 Radwor 10 0 :10  0

Sport (09.08.19)

pjatk, 09. awgusta 2019 spisane wot:

Stara garda Sokoła nastupi

Hnydom k zazběhej druheje połserije wólnočasneje ligi Zapadołužiskeho kopar­skeho zwjazka hraja stari knježa Sokoła Ralbicy/Hórki dźensa we 18.30 hodź. přećiwo Módro-běłym Kulow.

Pokalna a dypkowa kopańca

Na krajnej kaž tež wokrjesnej runinje započina so dźensa, jutře a njedźelu za nimale wšitke koparske cyłki hrajna do­ba­ 2019/2020. Na krajnej runinje zahaji prěnje mustwo SJ Chrósćicy njedźelu w 15 hodź. sezonu z pokalnej hru přećiwo cyłkej Empor Possendorf. Na wo­krjesnej runinje je prěni hrajny dźeń hnydom serbski koparski derby. We wo­krjesnej wyšej lize wočakuje njedźelu w 14 hodź. ST Marijina hwězda – Sokoł Ralbicy/Hórki. Dalše hry:

10.08. 13:00  HZ Hórnikecy / Ćisk II –

  ST Radwor

10.08. 15:00 SV Lichtenberg –

  Budissa Budyšin (pokal)

10.08. 15:00 Rakečanske ST –

  BSG Wocl Riesa (pokal)

11.08. 15:00 ST Kinspork/Łužnica –

  Módro-běli Kulow

11.08. 15:00 SJ Njebjelčicy –

  HZ Wojerowski FC II/Wětnica-Hola

11.08. 15:00 ST Hlinowc –

  SJ Chrósćicy II

Wobory so wubědźuja

Wohnjowi wobornicy zarjadniskeho zwjazka Při Klóšterskej wodźe wubědźuja so nje­dźelu w hašenju, a to w Smjerdźacej. Započatk je w 13.30 hodź. na tamnišim sportnišću.

Kołwrótna hra na pokalnej generalce

štwórtk, 08. awgusta 2019 spisane wot:

FC Energija Choćebuz

– Čerwjeno-běli Erfurt 5:3 (2:2)

Zestawa domjacych: Moser – Hasse, Hajtić, Koch, Meyer, Gehrmann, Raak (69. Eisenhuth), Felix Geisler (60. Beyazit), Rangelow, Taz (75. Zickert), Brügmann

Koparjo FC Energije Choćebuz su so třeći hrajny dźeń zaso w dobrym stawje prezentowali. Tři dny do toho rěkaše hišće­ 2:5 pola Herthy BSC II, nětko do­bychu woni doma 5:3 přećiwo Čerwje­no-běłym Erfurt. Ofensiwnje startowachu Choćebuženjo do partije a nadźěłachu sej hnydom dwaj wrotowej wuspěchaj (7., 19.). Po eklatantnymaj zmylkomaj pak darichu hosćom dwoje wrota a hižo steješe 2:2 (20., 24.).

Krótko po přestawce podźakowa so Choćebuski cyłk po kapitalnym zmylku wrotarja hosći a třěli 3:2 (47.), přichodna wrotowa scena na tamnym boku pak wjedźeše k 3:3 (49.). Zaměnjeny Abdukadir Beazit je so w dwěmaj hrajnymaj scenomaj druheho połčasa wo rozsud postarał (67., 69.). Swoju prěnju hru za FC Energiju wotmě Ibrahim Hajtić (foto). Wón pokaza w škitnym centrumje porjadnu partiju a budźe Choćebužanam zawěsće zesylnjenje. Jim poradźi so tuž druhe dobyće sezony 2019/2020.

Zaso dwubój Slavia – Plzeň?

štwórtk, 08. awgusta 2019 spisane wot:

1. Slavia Praha   7 :1   10

2. Viktoria Plzeň   8 :4   10

3. FK Jablonec   9 :3   7

4. Sparta Praha   7 :4   7

5. Baník Ostrava   5 :4   6

Mladá Boleslav   5 :4   6

7. Sigma Olomouc   3 :4   6

8. SFC Opava   3 :6   6

9. 1. FC Slovácko   3 :8   6

10. Dynamo České Budějovice  5 :4   5

11. Bohemians Praha   5 :5   4

12. 1. FC Příbram   4 :7   4

13. FK Teplice   3 :6   4

14. Slovan Liberec   4 :6   3

15. Fastav Zlín   2 :4   3

16. MFK Karviná   3 :6   1


Mjeztym zo so nowa sezona w kopańcy pola nas hakle 16. žnjenca zahaji, bě w susodnej Čěskej minjeny kónc ty­dźenja hižo štwórte hrajne koło. A hižo stejitej mišter Slavia Praha a wicemišter Viktoria Plzeň zaso na čole tabulki. Wo­bě mustwje pak dyrbještej so z bjezwrotowym wuslědkom spokojić: Plzeň hraješe pola Bohemians Praha a Slavia pola poslednjeho tabulki Karviny 0:0.

Wot zastupnistwow ze sewjernych kónčin steji FK Jablonec na třećim městnje, Slovan Liberec porno tomu chětro zady wisa. Staromišter Sparta Praha pora­zy njedźelu wječor 1. FC Příbram jasnje­ z 3:0 a suny so na 4. městno. Tež nowačk Dynamo České Budějovice drje z dotal na­hratymi pjeć dypkami njespokojom njebudźe. A to je tabulka:

Mikławš Krawc

Wuslědki (08.08.19)

štwórtk, 08. awgusta 2019 spisane wot:

Kopańca, regionalna liga muži

BFC Dynamo – Fürstenwalde 1:0 (1:0)

Berlinski AK – Halberstadt 2:1 (1:1)

Rathenow – Altglienicke 1:1 (0:0)

Auerbach – Hertha BSC II 1:5 (1:1)

Chemija Lipsk – Babelsberg 1:1 (1:1)

Viktoria Berlin – Lok Lipsk 0:2 (0:1)

Meuselwitz – Lichtenberg 2:0 (2:0)

Choćebuz – Erfurt5:3 (2:2)

Nordhausen – Biskopičanske KT 8:0 (4:0)

čoło tabulki

1. Berlinski AK 3 8 : 3 9

2. BFC Dynamo 3 5 : 1 9

3. Lok Lipsk 3 6 : 3 7

4. Hertha BSC II 3 11 : 5 6

5. FC Energija Choćebuz 3 10 : 9 6

6. ZFC Meuselwitz 3 5 : 3 5

7. Wacker Nordhausen 2 8 : 0 4

Posledni test

srjeda, 07. awgusta 2019 spisane wot:
Prěnjej koparskej mustwje Chróšćan­skeje SJ a Budissy Budyšin stej wčera w Chrósćicach swój posledni test přewjedłoj. Hosćo z Budyšina su jón 4:2 (1:1) dobyli. Za domjacych trjechištaj Filip­ Henzl (18.) a Jonas Zynda (88.), za Budissu Maximilian Röhle (38.), Joseph Gröschke (46.), Tom Henčl (65.) a Konrad Schneider (85.). W krajnym pokalnym kole hraja Chróšćenjo njedźelu pola Empor­ Possendorfa, Budyšenjo sobotu pola SV Lichtenberga. Foto: Torsten Zettl

Hrajna doba so započnje

srjeda, 07. awgusta 2019 spisane wot:

Na wokrjesnej runinje Zapadołužiskeho koparskeho zwjazka započnje so zajutřišim, pjatk, nowa hrajna doba. Zazběhowu partiju we wokrjesnej wyšej lize přewjedźetej Póst Germania Budyšin a ST Horni kraj Sprjewja.

Mjeztym je tež znate, kotry sudniski kolektiw njedźelu wot 14 hodź. serbski koparski duel ST Marijina hwězda – Sokoł Ralbicy/Hórki hwizda. Budźe to trójka Torsten Aust/David Ackermann/Franz Koller. SN

Soccercup přewjedli

srjeda, 07. awgusta 2019 spisane wot:

We wobłuku wjesneho swjedźenja a zdo­bom 600lětnych narodnin wsy přeprosychu sej Sernjančenjo minjenu sobotu wólnočasne mustwa na prěni soccercup. W 10 x 15 metrow małej kopar­skej klětce hrajachu mustwa stajnje­ wosom mjeńšin w formaće třo př­ećiwo třom.

W dwěmaj staflomaj po štyrjoch mustwach su wot napoł dwěmaj wo poł­finale wojowali. Staflu A dominowachu koparjo Chróšćanskeje SJ Feliks Zahrodnik, Maksimilian Zahrodnik a Jan Bogusz – a woni su wšitke hry přećiwo młodym cyłkam z Róžanta, Sernjan a Lejna jasnje dobyli. Druhe městno wubědźi sej FC Sywo Lejno (Žurec koparjo z Lejna a k to­mu Konstantin Hrjehor z Róžanta). W tamnej stafli přesadźi so team Sernjanskeje firmy MPT před miksmustwom z Róžanta a Sernjan. Hrańca docpě­ tu třeće městno před Sernjanskej młodźinu.

SJ Njebjelčicy

– SC 1911 Großröhrsdorf II 3:3 (2:1)

Zestawa domjacych: Matješk (45. Hahn) – D. Kral, Haška, Hanuza, Gödig, O. Domš, Hrjehor, Ričel, F. Domš, Wagner (60. M. Kral), Korjeńk

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND