15. nócny žabjacy běh w Běłej
Mjeztym hižo 15. nócny žabjacy běh přewjedźechu w Běłej za Kamjencom. A tón měješe znowa wjace hač tysac wobdźělnikowo. 252 šulerjow w jednotliwych starobnych klasach a 754 dorosćenych atletow, mjez nimi 87 lubowarjow walkinga, pak je swoju wotpowědnu čaru zmištrowało.
Nócny běh wuwiwa so na zarjadowanje, kotrež přiwabja kóžde lěto tež šwarnu ličbu serbskich lubowarjow wubědźowanja a po tym na wotpowědne kulturne a zabawne poskitki na běhanskim arealu, zwjazane z mytowanjom dobyćerjow a počesćenjom z pokalemi.
Ze serbskich starterow wubědźištaj sej na distancy 2,0 km w skupinje pod 10 lětami Jarek Schade z Budyšina 1. městno (8:36 min) a sotra Jitka 3. městno (9:39 min). Z wulkim wuspěchom wojowaštaj tež Grubertec bratr a sotra z Chasowa: Isabella wobsadźi w samsnej skupinje 2. městno (9:18 min) a bratr Ben w skupinje pod 16 lětami 4. městno (8:06 min).
Hańba abo chwalba – pospyt rezimeja
Wolejbulisća Viktorije Worklecy pjaty raz za sobu wicemišter
Na kóncu sezony 2017/2018 wuchodosakskeje wolejbuloweje ligi muži drje su někotři přiwisnicy Viktorije Worklecy zaso raz stonali: „Znowa jenož druhe městno!“ Šibałc wšak namjetowaše: „Mjenujće so hnydom Viktoria Wicewicy!“. Znajerjo materije pak wědźa, kak ćežko poprawom za małe wjesne towarstwo je, tajki niwow přez lěta dźeržeć. Tež minjena sezona – to dyrbi so žno na započatku tohole rezimeja podšmórnyć – bě přiwšěm jara wuspěšna.
Bohužel započa so prěnja połserija Viktorije ze špatnym startom. Pola TSV Kundraćic rěkaše na kóncu 0:3. Hačrunjež běchu sadźbowe wuslědki jara snadne, je tajka plista jěd za sebjewědomje hrajerjow. Tak jědźechu chětro njewěsći do Zhorjelca k nowačkej CVJM a kasěrowachu tam poražku 2:3. Zhorjelčenjo w běhu sezony pokazachu, kak sylne mustwo su. Na to sćěhowaše najniši dypk „čorneje nazymy“, absolutnje njetrjebawša poražka 1:3 w Lubiju. Tak stejachu Worklečenjo na poslednim městnje tabulki – začuće to, kotrež běchu hižo raz w lěće 2011 w sakskej klasy dožiwili.
Satkularjo swójski turněr dobyli
FC Energija dołh dale pomjeńša
Wubranka města Grodka
– FC Energija Choćebuz 0:10 (0:6)
We wobłuku planowaneje sobustawskeje zhromadźizny je prezident FC Energije Choćebuz swoju rozprawu wo hospodarskej situaciji podał a wozjewił: „Smy přez transfery, wjacore mudre rozsudy a wšelake lutowanske naprawy konsolidaciju doprědka ćěrili a nadbytk 1,1 miliona eurow a tak pozitiwny wuslědk nahospodarili.“ Na zetkanju 404 přitomnych sobustawow pak dźěše tež wo prócu łužiskich koparjow w boju wo njepřećelskosć napřećo cuzym, wo namóc a prawicarstwo. Předsyda zarjadniskeho wotrjada Matthias Auth rěčeše wo wulkich prócowanjach Energije kaž tež wo iniciatiwach koparskeho kluba.
Při přihotach na nowu sezonu je nowačk třećeje ligi njedźelu swoju prěnju testowu hru přewjedł a přećiwo wubrance města Grodka z 10:0 jasnje dobył. We woběmaj połčasomaj pósła trenar Claus-Dieter Wollitz dwaj kompletnje rozdźělnej cyłkaj na kopanišćo. Fairni hosćićeljo so zmužiće hač do 24. min. wobarachu, po tym pak padachu jedne wrota po druhich.
Neymar po foulu kaž dźiwadźelnik wustupował
Z narodnymaj mustwomaj Brazilskeje a Belgiskeje stej so dalšej cyłkaj za štwórćfinale swětowych koparskich mišterstwow w Ruskej kwalifikowałoj. Wčera popołdnju dobychu Brazilčenjo we wosmifinalu bjez wulkich ćežow přećiwo Mexiku z 2:0. Po 51 mjeńšinach nawjedowachu woni po wrotach superstara Neymara. Willian bě so spěšnje do šěsnatki předrěł a w pjećmetrowskim rumje bul prěki połožił. Tam stłóči jón Neymar přez liniju do wrotow. Srjedź druheho połčasa je Neymar zaso raz pokazał, kajki wulki talent dźiwadźelić wón ma. Mexičan Miguel Layún bě koparjej-dźiwadźelnikej, kiž ležeše po foulu na zemi, zlochka na hwizdźel stupił. Brazilski superstar so na to teatralisce wokoło waleše, markěrujo ćežke zranjenje. „Smy tójšto hrajneho časa dla njeho zhubili. To je hańba za kopańcu“, komentowaše trenar mexiskeje wubranki Juan Carlos Osorio „ćerpjenje“ Neymara po foulu Layúna. Při 2:0 za Brazilčanow pak běše hrajer z čisłom 10 nadobo zaso fit. Na lěwym křidle poda so wón z dołhim sprintom do šěsnatki a přihra bul prěki Robertej Firminej.
Wuslědki (03.07.18)
Kónčne tabulki dorosta Zapadołužiskeho koparskeho zwjazka WFV
młodźina C, wokrjesna liga, stafla 2
1. SC Großröhrsdorf 18 106 : 16 54
2. TSV Połčnica 1920 18 69 : 10 43
3. HZ Natwar Němske Pazlicy/
ST Běła/Cunnersdorf 18 66 : 31 33
4. FV Ottendorf-Okrilla 18 39 : 35 32
5. HZ ST Ćisk/HZ Łaz/Běły Chołmc/
LSV Hory 1990 18 42 : 31 30
6. Arnsdorfske KT 18 45 : 38 26
7. HZ SG Großnaundorf/
Lomnitzer SV 18 20 : 48 15
8. HZ SV Liegau-Augustusbad/
TSV Wachau 18 28 : 94 15
9. ST Kinspork/Łužnica 18 18 : 54 11
10. FSV Bretnig-Hauswalde 18 19 : 95 3
młodźina C, wokrjesna liga, stafla 3
1. Módro-běli Kulow 14 168 : 18 42
2. HZ Módro-běli Njeswačidło/
Rakečanske ST 14 79 : 62 30
3. Zeleno-běli Sepicy 14 69 : 51 27
4. SV Haselbachtal 14 39 : 45 17
5. HZ Zeleno-běli Bukecy/
ST Kubšicy 14 48 : 62 16
6. HZ ST Budyšin/ ST Póst
Germania Budyšin 14 44 : 74 16
7. Wojerowski FC II 14 33 : 99 9
8. TSV 90 Wjazońca 14 32 : 101 9
młodźina D, wokrjesna wyša liga
1. TSV Połčnica 1920 22 214 : 30 63
2. ST 1922 Radwor 22 173 : 34 59
3. FV Ottendorf-Okrilla 22 147 : 60 44
4. Biskopičanske KT 08 II 22 130 : 83 43
5. Módro-běli Kulow 22 112 : 54 42
6. TSV Połčnica 1920 22 91 : 74 36
7. SC Großröhrsdorf 22 53 : 90 29
8. Jednota Kamjenc II 22 86 : 100 25
9. HZ LSV Hor/ST Ćisk 22 32 : 173 13
10. ST Kinspork/Łužnica 22 48 : 132 12
11. ST Horni kraj Sprjewja 22 40 : 124 12
12. ST Póst Germ. Budyšin 22 33 : 205 7
Poruča nětko Borussiji Dortmund koparske talenty
W minjenej zymje bě kopar Sokoła Ralbicy/Hórki Uwe Młynk swojim sobuhrajerjam kašćik piwa do kabiny stajił. Jako přičinu toho mjenowaše, so wšitcy dźiwachu. 32lětny rodźeny Ralbičan dźěłaše wjele lět za agenturu „arena 11 sports group“, kotraž přewodźa profijowych koparjow. Tež Uwe Młynk je so wo kopicu hrajerjow starał. Nětko pak ma tróšku hinaši nadawk pola wulkeho koparskeho kluba. Jurij Bjeńš je so z nim rozmołwjał.
Uwe, přeradź nam prošu, za kotre zjednoćenstwo dźěłaš?
U. Młynk: Sym pola Borussije Dortmund (BVB) přistajeny a pytam jako scout za talentami na wuchodźe Němskeje. Mój něhdyši kolega, kiž je hižo trochu dlěje pola BVBja, mje tehdy narěča, dokelž su runje za wuchod noweho zamołwiteho za scouting pytali. A ja hnydom připrajich.
Što su nětko Twoje konkretne nadawki pola Borussije?
Božemje Sergio Ramos, Cristiano Ronaldo a Lionel Messi
Sobotu a wčera běchu prěnje štyri partije wosmifinala swětowych koparskich mišterstwow, a koło najlěpšich wosom mustwow docpěchu jako prěnje Francoska, Uruguay, Ruska a Chorwatska. Zazběhowy duel bě sobotu popołdnju Francoska – Argentinska. Équipe Tricolore přesadźi so po napjatej hrě ze 4:3. Wrota za Francozow třělichu Antoine Griezmann (13.), Benjamin Pavard (57.) a dwoje Kylian Mbappé (64., 68.). Za Argentinjanow trjechichu Ángel Di María (41.), Gabriel Mercado (48.) a Sergio Agüero (93.). W druhej sobotnej hrě přewiny Uruguay amtěrowaceho europskeho mištra Portugal z 2:1. Hižo w 7. min. nawjedowachu Južnoameričenjo přez wrota Edinsona Cavanija. Luis Suárez bě bul do šěsnatki třělił, a Cavani přetwori ze zdalenosće pjeć metrow z hłójčku. Po tym zo bě Pepe za Portugal tohorunja z hłowu wurunał (55.), poradźichu so Cavanijej dobyćerske wrota (62.). Přihrawku z centruma Rodriga Bentancura do šěsnatki třěli wón z prawej nohu do dołheho lěweho kuta.
