Serbšćinu nětko tež w šuli wučić

wutora, 08. měrca 2016 spisane wot:

Drježdźany (SN/MiR). Na 108. zakładnej šuli w Drježdźanach, na Hepkowej hasy w měšćanskim dźělu Strěžin, ma so wot šulskeho lěta 2016/2017 serbšćina po-dawać. Šula leži njedaloko Geisingskeje dróhi, na kotrejž je pěstowarnja, hdźež hižo wjacore lěta dźěći serbskorěčnje kubłaja­. Hišće móža zajimowani starši wupjelnić formular na internetnej stronje towarstwa Stup dale a tak swój zajim po­twjerdźić, zo měło so jich dźěćo na wučbje serbšćiny wobdźělić. Přizjewjenje po tymle puću je trěbne, zo bychu čłonojo towarstwa zwěsćili, kak wulka je po­trjeba, wuknjacych w zakładnošulskej starobje serbskorěčnje wuwučować. Přizjewić maja so tuchwilu wosebje starši, čejichž dźěći su so w lětach 2006 do 2010 narodźili. Tole přeje sej Drježdźanski regionalny zarjad Sakskeje kubłanskeje agentury, zo by zwěsćił aktualnu potrjebu za planowanje kaž tež tu na dalše lěta. Hišće w měrcu wotměja so rozmołwy mjez zarjadom a zastupjerjemi towarstwa Stup dale, zo móhli nadrobnišo planować. Loni w decembru bě předsyda towarstwa­ dr.

DenkT@g přećiwo hidźe

štwórtk, 03. měrca 2016 spisane wot:

Berlin (SN). Wubědźowanje DenkT@g namołwja młodostnych w starobje 17 do 22 lět, so přez rešerše, teksty, interviewy a dalše projekty z prašenjemi prawicarstwa, hidy na cuzych a njetolerancy rozestajeć. To zdźěla zapósłanča zwjazkoweho sejma Marja Michałkowa (CDU). Patron wubědźowanja je předsyda zwjazkoweho sejma prof. dr. Norbert Lammert. Přinoški hodźa so hač do kónca oktobra zapodać. Najlěpše chcedźa klětu w januaru w Berlinje wuznamjenić. Dalše informacije namakaja zajimcy na internetnej stronje www.denktag.de.

Konrada Adenauerowa załožba bě wubědźowanje­ DenkT@g w lěće 2001 składnostnje dnja wopominanja woporow nacionalsocializma 27. januara iniciěrowała. Wurisanje wotměwa so kóžde druhe lěto.

„Runje w aktualnej situaciji měli iniciatiwu wužiwać, zo bychmy přez hidu na cuzych motiwowanym njeskutkam znapřećiwili, so z nimi rozestajeli a tak starobje wotpowědnje za naš přichod přinošowali“, piše Marja Michałkowa.

Kreatiwitu dźěći budźić

srjeda, 02. měrca 2016 spisane wot:

Čornochołmčanske towarstwo Krabatowy młyn wuwiwa swoje dźěło z dźěćimi a młodźinu. Wosebitu wažnosć kładźe na poskitki za cyłu swójbu. Tak stanu so starši druhdy zaso dźěći.

Krabatowa powěsć je runje dźensa jara aktualna. „Su to temy kaž wójna, ćěkańca, zawjedźenje, přećelstwo, kotrež so tež w powěsći jewja. Runje tak stej to móc a wliw pjenjez. Wšo to na čitanjach a wodźenjach po młynje stajnje zaso naspomnjam“, rozłožuje Kerstin Zukunft, sobuzałožerka Čornochołmčanskeho towarstwa Krabatowy młyn. Wot julija 2015 je wona tam zamołwita za dźěło z dźěćimi a młodźinu. Dźakowano dobrej zhromadnosći zamó towarstwo wot toho časa wjace hač tysac wobdźělnikow na poskitki za dźěći, młodostnych, swójby a šule witać.

Připóznaće přiběra

Wosebity projekt jendźelšćiny

srjeda, 02. měrca 2016 spisane wot:

Radworscy šulerjo dźiwadło sćěhowali­ a rozumili

W dobrej tradiciji přewjedujemy na Serbskej wyšej šuli „Dr. Marja Grólmusec“ Radwor wosebity projekt jendźelskeho dźiwadła. Kóžde druhe lěto přeproša sej šulske nawodnistwo hrajerjow White Horse Theatre ze sewjerorynsko-westfalskeho Soesta-Müllingsena do Radworja. Zańdźeny štwórtk předstajichu młodźi dźiwadźelnicy tam dwě hrě na rozdźělnym rěčnym niwowje.

Znowa stipendije za kursaj čěšćiny

srjeda, 02. měrca 2016 spisane wot:
Budyšin (SN). Wot 29. julija do 26. aw­gusta wotměje so na Praskej Karlowej uniwersiće intensiwny kurs čěšćiny. Dalši tajki kurs budźe wot 22. awgusta do 9. septembra na Juhočěskej uniwersiće w Českich Budějovicach. Za wobě dalekubłani w rěči našeho susoda přewostaja čěske knježerstwo znowa zajimowanym Serbam pjeć stipendijow za wobdźělenje. Zajimcy móža so hišće hač do 15. měrca w Rěčnym centrumje WITAJ přizjewić. Nadrobniše informacije a přizjewjenske formulary su wozjewjene pod www.witaj-recny-centrum.de.

Hdyž młodostni powědaja, maja dorosćeni­ připosłuchać. To běše moto wčerawšeje­ 1. młodźinskeje idejoweje konferency w Budyskim Kamjentnym domje. Hłownje wuhotowali su ju ­ młodostni­ ze sprjewineho města.

62 000 titlow přistupnych

póndźela, 29. februara 2016 spisane wot:
Budyšin (SN). Wot spočatka lěta je wjace hač 62 000 datowych sadźbow Serbskeje centralneje biblioteki w Juhozapadoněmskim zwjazku bibliotekow (SWB), jednym ze šěsć wulkich bibliotekowych zwjazkow Němskeje, přistupnych. Kaž Serbski institut (SI) zdźěli, namakaja zajimcy pod swb.bsz-bw.de tež wobstatki, kotrež so w Budyskim SI chowaja. Knihi hodźa so nětko přez dalokowupožčowanje po cyłej Němskej wupožčować. Za ně­hdźe 42 000 titlow su so w hižo předležacych zapiskach wobsydstwowe dopokazy Budyskeje biblioteki wudospołnili. Dalše 17 000 medijow wobsedźi w zwjazkowym regionje jeničce Serbska centralna biblioteka. Předewšěm su to publikacije w hornjo- a delnjoserbšćinje a w druhich słowjanskich rěčach. „To je wažny krok za Serbsku centralnu biblioteku. Smy nětko w syći lěpje widźomni a jónkrótne wobstatki našeje biblioteki lóšo namakaš. SI je dźěl němskeje wědomosće, tohodla bě zastup do mjenowaneho bibliotekoweho zwjazka prawy krok“, rozłoži tuchwilny direktor SI dr. Hauke Bartels.

Kubłanišćo trjeba wjace městna

pjatk, 26. februara 2016 spisane wot:
Za powjetšenje Hušćanskeje Ewangelskeje srjedźneje šule su wčera zběhanku swjećili. Kubłanišćo ze 600 chowancami trjeba dawno hižo wjace městna. W přitwarje budu rjadowniske rumnosće za wyše lětniki kaž tež awla. Spočatk přichodneho šulskeho lěta ma twar hotowy być. Na zběhance wobdźělichu so nimo šulerjow, wučerjow a rjemjeslnikow tež duchowni, mjez nimi serbski superintendent Jan Malink a Hušćanski farar Gerd Frey (wotlěwa). Foto: Carmen Schumann

Nawoda instituta pyta wotmołwy

pjatk, 26. februara 2016 spisane wot:

Institut za sorabistiku Lipšćanskeje uniwersity steji wospjet w zjawnej diskusiji. Jeho nawoda prof. dr. Edward Wornar přeproša tuž wšitkich zajimcow na informaciske zarjadowanje.

Znajomosće rěče certifikować dać

wutora, 23. februara 2016 spisane wot:

Hornjo- a delnjoserbšćinu wuknjacy móža swoje rěčne znajomosće a kmanosće nětko online přepruwować. Rěčny centrum WITAJ je wčera za to wotewrěł nowy online-poskitk pod www.sprachzertifikat-sorbisch.de.

nawěšk

nowostki LND