Projekty so derje wuwiwaja

štwórtk, 08. decembera 2016 spisane wot:

Bórze budźe móžno internetnje serbšćinu wuknyć a so w njej wukmanić

Załožba za serbski lud spěchuje hač do kónca lěta 2018 wosom projektow digitalizacije. Za to maja hišće nimale dwaj milionaj eurow, informujetej naměstnica direktora Załožby za serbski lud Michaela Mošowa a zamołwita sobudźěłaćerka za nałožowanje serbskeje rěče w nowych medijach Maria Untchowa. Sumu dźěla sej Zwjazk z 255 000 a Swobodny stat Sakska z 250 000 eurami wob lěto kaž tež Kraj Braniborska z 89 000 eurami na lěto 2017 a 72 000 eurami na 2018.

„Serbski Budyšin“

Z cyłkownje sydom lětsa zapodatych projektow, serbšćinu digitalizować, załožba jenički spěchuje. Je to online-projekt „Serbski Budyšin“, přewodnik po sprjewinym měsće k serbskim stawiznam. Zapodał bě jón Bosćij Benada. Kóšty: 58 000 eurow hač do lěta 2018. (Spěchowanje jednotliwych projektow namakaće w pódlanskej tabulce.) Na naprašowanje k aktualnemu stawej so Budyšan njewupraji. „Projekt je w procesu“, bě jenički komentar.

Kontrola a korpus

Tele projekty k digitalizaciji załožba spěchuje:

štwórtk, 08. decembera 2016 spisane wot:
Mjeno projektaspěchowanje 2016spěchowanje 2017spěchowanje 2018
Prawopisna kontrola za hornjoserbšćinu40.700 €60.500 € 11.000 €
Prawopisna kontrola za delnjoserbšćinu44.000 € 69.760 €
Wutwar referencneho korpusa načasneje hornjoserbšćiny33.000 € 33.000 €
Wutwar referencneho korpusa načasneje delnjoserbšćiny33.000 €33.000 €
Słownikowa app „Prawje pisać“6.000 €
Serbšćinu online wuknyć hornjoserbsce185.158 €225.727 € 250.085 €
Serbšćinu online wuknyć delnjoserbsce66.925 € 66.925 €
Digitalny wučbny material „Digital – krok po kroku“250.445 €137.048 € 137.983 €
Koncept za serbsku digitalnu biblioteku8.000 € 11.000 €
Awdijopřewodnik za dźěći; Budyski Serbski muzej21.860 €20.000 €
„Serbski Budyšin“;
přewodnik po měsće k serbskim stawiznam
Array
12.710 €
21.664 € 23.000 €

Nowy domčk dźakowano staršim

srjeda, 07. decembera 2016 spisane wot:

Hakle lětsa spočatk februara su dźěćom Šule Ćišinskeho w Pančicach-Kukowje pitnu studničku přepodali. Wot wčerawšeho maja tam dalšu nowosć, za kotruž su so znowa starši angažowali.

Pančicy-Kukow (SN/MWj). Na swój nowy zahrodowy domčk na dworje „Šule Ćišinskeho“ w Pančicach-Kukowje su so holcy a hólcy najskerje hižo zwučili. Hižo w nazymskich prózdninach běchu jón starši tam natwarili. Wčera připołdnju pak bě nětko wulki wokomik, zo móžeše jón šulska nawodnica Jadwiga Čižankowa k wužiwanju přepodać a so při tej składnosći pomocliwym staršim za jich prócu dźakować.

Hibać so dyrbiš!

srjeda, 07. decembera 2016 spisane wot:
Šula Ćišinskeho w Pančicach-Kukowje je dobry přikład za to, zo móžeš něštožkuli na dobro kubłanišća wuskutkować, hdyž so starši za to angažuja. Hakle lětsa w februaru su tam w hornim foyeru pitnu studničku přepodali, kotraž je hłownje na iniciatiwu bywšeho rěčnika staršiskeje rady nastała. Wčera přepodaty zahro­dowy domčk, w kotrymž składuja hrajki za dworowu přestawku, je tohorunja dźakowano njesebičnej prócy staršich nastał.­ Kubłanišćo, jeho wučerki a wučerjo a nic naposledk holcy a hólcy móža dźakowni być – a su to tež – , zo sej starši hłowu łamaja, so gratu přimaja a so hibaja. To swědči wo dobrym poměrje, kotrež kubłanišćo k staršim ma. Runje tak tajkile wulki angažement wotbłyšćuje, zo su do staršiskeje rady wočiwidnje prawi zastupjerjo wuzwoleni, kotřiž tele skutkowanje jenož jako njepřijomnu winowatosć njewobhladuja. Marian Wjeńka

Kóžde měješe pakćik w ruce, jako chwatachu dźěći Radworskeje Serbskeje zakładneje šule „Dr. Marja Grólmusec“ na dźensnišim dnju swj. Mikławša do tamnišeje cyr­kwje, zo bychu ekumenisku słownu Božu słužbu swjećili a přećiwo nuzy na swěće za dźěći dariki zběrali. Z nimi chcedźa šulerjow w Tansaniji kaž tež tudyše dźěći ćěkancow­ podpěrać. Rjadownja 3a pak měješe wosebitu prěkwapjenku a předstaji sobušulerjam hru „Swj. Mikławš a Jonas z hołbikom“. Foto: Carmen Schumann

Rěče mjeńšin w Němskej sej zbližili

wutora, 06. decembera 2016 spisane wot:
Tójšto zajima zbudźił je projektny seminar k regionalnym a mjeńšinowym rěčam minjeny pjatk w Lipsku. Na přeprošenje Instituta za sorabistiku Lipšćanskeje uniwersity a Europskeho běrowa za mjeńšinowe rěče EBLUL zhoni něhdźe 70 studentow a šulerjow wo frizišćinje, danšćinje a delnjoněmčinje kaž tež wo połoženju a problemach narodnych mjeńšin w Němskej. Delnjoserbšćinu předstaji jim dr. Hauke Bartels, hornjoserbšćinu dr. Jana Šołćina. Foto: Judith Wałdźic

Na swój lětuši dohodowny koncert su minjenu sobotu dźěći Ralbičanskeje zakładneje šule přeprosyli, a tójšto ludźi je přišło. Městna k sedźenju w tamnišej sportowni lědma dosahachu. Hosćo widźachu, kak derje zamóža wone hižo spěwać, rejwać, basnje recitować, na instrumentach hrać a dźiwadźelić. Za swoje poskitki žnějachu šulerjo wulke připóznaće. Foto: Feliks Haza

Znowa dobry wothłós na swójbny kónc tydźenja

póndźela, 05. decembera 2016 spisane wot:

Smochćicy (aha/SN). Hódny kubłanski kónc tydźenja je wot minjeneho pjatka do wčerawšeje njedźele Smjerdźečanske swójbne a kubłanske srjedźišćo LIPA za młode swójby w Smochčanskim ­Domje biskopa Bena přewjedło. Wothłós na mjeztym wosme tajke zarjadowanje přiběra, a móžna kapacita bě tónraz ­wučerpana. Wjace hač 50 wobdźělnikow – 13 staršiskich porow ze swojimi 27 dźěćimi­ – ­móžeše tam, kaž je druhi adwentny­ kónc ­tydźenja mjeztym z tradiciju, přijomnu serbsku zhromadnosć z kubłansce zajimawymi přednoškami za staršich dožiwić.

Mjeztym zo starši na přednoški ­słuchachu, starachu so štyri kubłarki wo wotměnjawu­ zaběru z dźěćimi. Wužiwachu z nimi rjane wjedro za wu­cho­dźowanje a paslachu adwentnu a ho­downu­ ­pychu. Samo hru wo swjatym Mikławšu­ nazwučowachu, za čož su so po předstajenju starši tež nazwučowarce Borborje Šeferowej, kotraž bě so tohorunja wo wotpowědne kostimy a rekwizity starała, ze sylnym přikleskom dźakowali.

Chcedźa akademije zjednoćić

štwórtk, 01. decembera 2016 spisane wot:

Rektorojo kritizuja pobrachowacy wysokošulski status

Budyšin (UM/SN). Na terenje Budyskeje studijneje akademije tuchwilu twarja. 3,7 milionow eurow nałoži tam Swobodny stat Sakska za twar noweho labora, kotryž ma dotalne njedosahace rumnosće narunać. Zapósłanc krajneho sejma Marko Šiman (CDU) ma naprawu za „wažnu kročel, Budyšin jako kubłansku městnosć zesylnić a atraktiwitu stejnišća přisporjeć“.

Póńdźe wo wukubłanje a wo rěč

wutora, 29. nowembera 2016 spisane wot:

Lipsk ma wuznam jako wukubłanske městno serbskeje elity. Kónc tydźenja wotmějetej so w měsće nad Plesnu zarjadowani, na kotrymajž serbske prašenja nastupajo rěč a wukubłanje w srjedźišću steja.

Lipsk (SN/CoR). Zhromadnje z Němskim komitejom za regionalne a mjeńšinowe rěče EBLUL přeprosy Lipšćanski Institut za sorabistiku 2. decembra tam na projektowy seminar pod hesłom „regionalne a mjeńšinowe rěče w Němskej so předstaja“. Mjez tymi, kotřiž seminar rano z postrownymi słowami zahaja, staj nimo profesorow Lipšćanskeje uniwersity tež politikarjej Rico Gebhardt, předsyda frakcije Lěwicy­ w Sakskim krajnym sejmje, a Ralf Christoffers, předsyda frakcije Lěwicy w Braniborskim krajnym sejmje. Po tym so akademiske a politiske puće zaso tróšku dźěla, wšako přewjedujetej sakska a braniborska frakcija Lěwicy na tutym terminje 12. serbski dźeń, a to tohorunja w Lipsku. A tam ma wukubłanje serbskorěčnych wučerkow a wučerjow w srjedźišću stać.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND