Koncept za škit před wulkej wodu poručenje

wutora, 19. meje 2015
artikl hódnoćić
(0 )

Strachi při Wuježčanskej wodźe maja so za tamniše wjesne dźěle Kubšiskeje gmejny wotstronić. Prěnje plany za to mjeztym předleža. Ale jich zwoprawdźenje traje lěta.

Kubšicy (CK/SN). Při wulkej wodźe 2010 a 2013 běchu Jenkecy sylnje potrjechene. Hłowny problem je móst na Łučnym puću. Kopi-li so tam woda, so dźěle sydlišća zapławjeja. Z wódnym zběrnikom by tale starosć z blida była. Wo tym informowaše Henning Krämer Kubšiskich gmejnskich radźićelow. Jeho Biskopičanski inženjerski běrow je koncept za škit před wulkej wodu při Wuježčanskej wodźe předpołožił. Połojca Čornoboha wotwodźuje wodu do tejele rěčki. Z njeje wuliny so 2013 při wulkej wodźe w juniju 23 kubiknych metrow wody na sekundu do Albrech­towki. Wuskutki hoberskeho mnóstwa wody běchu w Jenkecach pytnyć. Ze zběrnikom so to stało njeby. Wón ma jónu 300 000 kubiknych metrow wody přiwzać móc. Tónle škit by tež na dobro wobydlerjow při Albrechtowce w Budyšinje a w Malešanskej gmejnje był.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND