Serbja w stolicy z jubilejom

pjatk, 22. meje 2015
artikl hódnoćić
(0 )
Wobdźělnicy wčerawšeho Serbskeho blida w Berlinje, kotrež bě 150. tajkeho razu. Tež telewizijny team „Wuhladka“ tam běše a wo tym rozprawja. Foto:  Stefan Šmit Wobdźělnicy wčerawšeho Serbskeho blida w Berlinje, kotrež bě 150. tajkeho razu. Tež telewizijny team „Wuhladka“ tam běše a wo tym rozprawja. Foto: Stefan Šmit

Berlin (Ku/SN). 150. raz zhromadźi so štwórtk popołdnju horstka žonow a muži za Serbskim blidom w Berlinje. W lěće 1992 – potajkim před 23 lětami – je bohužel kónc zašłeho lěta zemrěty horliwy bywši wučer Gerat Mučišk tutu móžnosć mjezsobneho serbowanja do žiwjenja zwołał.

Spočatnje hišće w swójskich rumnosćach, zetkawaja so mjeztym hižo tójšto lět w korčmje direktnje při bywšim hraničnym přechodźe Checkpoint Charlie. Temow je kóždy měsac dosć. Wone sahaja wot rozprawow Berlinskich delegatow na 17. hłownej zhromadźiznje Domowiny přez aktualne podawki Serbow we Łužicy hač k wopisowanju dožiwjenjow, kotrež­ jednotliwi čłonojo SKI Berlin z. t. w starej domiznje mějachu. Mjez druhim wupytachu někotři serbske dźiwa­dłowe předstajenja, sympozij wo Oskaru Kolbergu a wernisažu w Serbskim mu­zeju w Choćebuzu. Wjeršk běše lětsa 30. apryla chodojtypalenje. Te wězo njemóžeja kóžde lěto přewjesć.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND