Wulki zajim za wětrnik knježił

wutora, 26. meje 2015
artikl hódnoćić
(0 )
Njeswačanski wjesnjanosta Gerd Schuster a sobudźěłaćerka gmejnskeho zarjada Kathleen Barthen w historiskej drasće młynka a młynskeje staj wčera popołdnju wopytowarjow po wětrniku na Łóžku pola Łuha wodźiłoj. Foto: Manfred Laduš Njeswačanski wjesnjanosta Gerd Schuster a sobudźěłaćerka gmejnskeho zarjada Kathleen Barthen w historiskej drasće młynka a młynskeje staj wčera popołdnju wopytowarjow po wětrniku na Łóžku pola Łuha wodźiłoj. Foto: Manfred Laduš

Łuh (ML/SN). 24 króć móžachu so zajimcy wčera na wodźenju po historiskim wětrniku na kózłach z lěta 1733 na hórce Łóžko mjez Łuhom a Chasowom wobdźělić. Mjez druhim wodźeštaj jich Njeswačanski wjesnjanosta Gerd Schuster (CDU) a zamołwita za turizm gmejnskeho zarjada Kathleen Barthen jako młynk a młynska po techniskim pomniku. Při tym zhonichu wopytowarjo tójšto zajimaweho wo tym, kak běchu tam něhdy žito mlěli, kak ćežke bě dźěło wětrnika a žiwjenje młynka a jeho swójby, a móžachu sej młyńcu wobhladać.

Na wčerawšim 22. němskim dnju młynow běchu sobudźěłaćerjo Njeswačanskeho gmejnskeho zarjada zaso wokřewjacy swjedźeń za młodych a starych kołowokoło bywšeho Zarěčanskeho wětrnika wuhotowali, kotryž dósta 1978 na Łóžku swoje nowe městno. Kapała Hornjokrajni muzikanća zapiska tam wčera lóštne štučki a zaruči tak znowa, kaž hižo wot lěta 2003, dobru naladu. Dźěći so na łuce zabawjachu a Łuhowski klub Wittinghoff staraše so wo ćělne derjeměće wopyto­warjow.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND