Je smartphone dokładny dosć?

srjeda, 27. meje 2015
artikl hódnoćić
(0 )
Pod wulkim zajimom medijow su wčera w Budyšinje prěni referencny dypk za GPS přepodali. Ria Liebscher rozkładuje tule Michaele j Harigej, Christianej Schrammej (wotprawa) a nowinarjam, kak tónle dypk funguje.  Foto: SN/Maćij Bulank Pod wulkim zajimom medijow su wčera w Budyšinje prěni referencny dypk za GPS přepodali. Ria Liebscher rozkładuje tule Michaele j Harigej, Christianej Schrammej (wotprawa) a nowinarjam, kak tónle dypk funguje. Foto: SN/Maćij Bulank

Prěni geodetiski referencny dypk Budyskeho wokrjesa přepodaty

Budyšin (SN/MWj). Štóž ze swojim smartphonom jenož telefonuje, jón najskerje njetrjeba. Wužiwarjo smartphona z jeho njeličomnymi funkcijemi so tuž zawěsće wjesela, zo ma Budyski wokrjes wot wčerawšeho swój prěni geodetiski referencny dypk za GPS. Na jeho wotkryće staj tohorunja krajny rada Michael Harig a wyši měšćanosta Christian Schramm (wobaj CDU) přišłoj.

„Čwak žiwjenskeje woprawdźitosće“ mjenowaše Harig tónle dypk, na kotrymž móžeš přepruwować, kak derje smartphone funguje a hač nawigaciski nastroj ći na dwaj metraj dokładnje pokazuje, hdźe runje sy. Referencny dypk namakaš, hdyž z Němsko-Serbskeho ludoweho dźiwadła do směra na agenturu za dźěło běžiš a po schodach dele k Wonkownej Lawskej doběhnješ. Na muri při schodach je připrawjena tafla, z dokładnymi koordinatami woneho dypka. Połožiš-li smartphone na woznamjenjeny dypk, móžeš z darmotnej app zwěsćić, hač ći aparaćik akuratnje samsne koor­dinaty pokazuje, kaž su wone na tafli napisane, abo hač so wone wot nich tola trochu wotchileja.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND