Wšudźe w narodnej drasće

póndźela, 01. junija 2015
artikl hódnoćić
(1 )
Runja dalšim wšam su kónc tydźenja tež w Hórkach meju mjetali a sej k tomu zarejwali.  Foto: Alfons Handrik Runja dalšim wšam su kónc tydźenja tež w Hórkach meju mjetali a sej k tomu zarejwali. Foto: Alfons Handrik

Posledni kónc tydźenja w róžowniku na wjacorych městnach meju mjetali

Hórki (aha/SN). Dwanaćelětna Leonie Matješkec witaše sobotu popołdnju w Hórkach hosći do połnje wobsadźeneho stana. Wona připowědźi, zo běchu sej dźěći z maćerjemi pod režiju Annett Matješcyneje předewzali, mejemjetanje wobohaćić. Za to nazwučowachu modernu wersiju bajki „Čerwjenawka“. Mjez 25 dźěćimi-hrajerjemi běchu tež někotre z Dobrošic a jedyn samo z Noweje Wjeski. Swoje teksty přednjesechu w bjez­poročnej serbšćinje. Za nje a za wjacore spěwy žnějachu wulki přiklesk. Při napřemoběhu Dawid Cyž jako prěni wjeršk padnjeneje meje docpě a wuzwoli sej Mariju-Luizu Matješkec za kralownu. Tež Hórčanske dźěći wo kralowsku krónu wubědźowachu, při čimž so wosomlětny Damian Jurk jako najspěšniši wopokaza. Lejna Handrikec so na to wjeseleše, zo smědźeše mejska kralowna być. Šěsć porow­ młodostnych – holcy w narodnej drasće – a za nimi wosom porow dźěći ćehnješe po wsy.

wozjewjene w: Łužica

Galerija

dalši wobraz (1) Po tym zo běchu w Šunowje meju mjetali, su młodostni hromadźe z dźěćacymi porami hišće w Konjecach zarejwali. Foto: Maria Maywaldec
Prošu přizjewće so, chceće-li komentar podać

Serbska debata

nowostki LND