Krótkopowěsće (04.06.15)

štwórtk, 04. junija 2015
artikl hódnoćić
(0 )

Třěcha kina so sypnyła

Kamjenc. Třěcha bywšeho Kamjenskeho kina je so dźens w nocy sypnyła. Wobydlerjo słyšachu wulki wrjeskot a widźachu mróčel kura. Zranił so na zbožo nichtó njeje. Wohnjowa wobora a tech­niski pomocny skutk běštej na městnje. Fachowcy pruwowachu, hač wokolnym twarjenjam strach hrozy. Dom njebu hižo wjacore lěta wužiwany.

Zasudźa nadpad

Drježdźany/Wojerecy. Migraciskopolitiska rěčnica frakcije Zelenych w krajnym sejmje Petra Zais nadpad na dom požadarjow azyla we Wojerecach raznje zasudźa. „Je zrudne, ale wěrno, zo njemóža so ćěkancy w Sakskej hižo wěsći čuć“, rěka w jeje zdźělence. Njeznaći běchu w nocy na srjedu spytali dom zapalić, štož pak so jim njeporadźi.

Stawk přetorhnjeny

Berlin. Stawk pěstowarkow w komunalnych dźěćacych přebywanišćach je přetorhnjeny. Dźěłarnistwo ver.di a komunalni dźěłodawarjo běchu dźensa rano po zwrěšćenju jednanjow zwólniwi, posrědkowanske jednanje zahajić. W tym času njeje dowolene stawkować. Posrědkować ma něhdyši Hannoverski wyši měšćanosta Herbert Schmalstieg.

wozjewjene w: Krótkopowěsće
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND