Z družkami w procesionach

štwórtk, 04. junija 2015
artikl hódnoćić
(0 )
Syły wěriwych wobdźělichu so tež w Chrósćicach na Božej mši. Po njej ćehnješe procesion k wonkownemu wołtarjej, kotryž je kóž de lěto při tamnišej kapałce natwarjeny. SN/ Maćij Bulank Syły wěriwych wobdźělichu so tež w Chrósćicach na Božej mši. Po njej ćehnješe procesion k wonkownemu wołtarjej, kotryž je kóž de lěto při tamnišej kapałce natwarjeny. SN/ Maćij Bulank

Katolscy křesćenjo swjaty dźeń Božeho ćěła swjećili

Radwor (SN/MWj). Ze swjedźenjom Božeho ćěła katolscy křesćenjo wuznawaja, zo wěrja do přitomnosće Jězusa Chry­stusa w swjatym woblatku. Tohodla ćehnjechu dźensa dopołdnja po Božej mši w swjatočnych procesionach k wonkownym wołtarjam, kaž maja tajki na přikład w Radworju tradicionalnje při křižu na nawsy natwarjeny. W procesionje njesechu duchowni pod baldachinom kročo monstrancu z Najswjećišim. Kěrluše kemšerjow přewodźachu zwjetša wosadni dujerjo.

Kaž stajnje za tónle wysoki cyrkwinski swjedźeń běchu so njeličomne holcy družču drastu woblekli. Stawali běchu wone dźensa zdźěla hižo wosrjedź nocy, zo bychu je hotowarniče wšitke sčasom zdrasćili. K dostojnosći Božeho ćěła přinošowachu tohorunja žony, kotrež so k tutej składnosći katolsku swjedźensku drastu woblečechu. Zo so žony, kotrež wšědnje w narodnej drasće chodźa, w běłych­ płachćičkach na kemšach a na procesionje wobdźěleja, je so mjeztym bohužel nimale dospołnje pozhubiło. W Chrósćicach pak někotre žony tele wašnje žiwe dźerža.

wozjewjene w: Lokalka

Galerija

dalši wobraz (1) We Wotrowje bě znowa wjele holcow družču drastu woblečene. Tak su wone swjedźenjej zaso swjatočny raz spožčili.
dalši wobraz (2) W Baćonju stej Borbora a Martina Domaškec Saruh Ruprechtec hotowałoj.
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND