Słabe wólbne wobdźělenje / W Budyšinje 28. junija doskónčnje wo wyšim měšćanosće rozsudźa
Wólby krajneho rady
▶ w Budyskim wokrjesu
wólbne wobdźělenje:40,0 %
Michael Harig (CDU) 72,4 %
Jens Bitzka (Zeleni)27,6 %
▶ w Zhorjelskim wokrjesu
wólbne wobdźělenje:36,6 %
Bernd Lange (CDU)73,0 %
Mirko Schultze (Lěwica)27,0 %
Budyšin/Zhorjelc (SN/at). Hornja Łužica je wčera krajneju radow Budyskeho a Zhorjelskeho wokrjesa woliła. Jasnemu wólbnemu wuslědkej za mějićelow zastojnstwa spřećiwja so jara słabe wólbne wobdźělenje. W Budyskim wokrjesu je ze 40,0 procentami 7,7 procentow wólbokmanych mjenje wolić šło hač lěta 2008, w Zhorjelskim wokrjesu (36,6 proc.) bě to samo 9,5 procentow mjenje. W mnohich městach a gmejnach mějachu wolerjo nimo toho wo nowym měšćanosće abo wjesnjanosće rozsudźić.