Žane překwapjenki při wólbach

póndźela, 08. junija 2015
artikl hódnoćić
(0 )
Při wuličenju hłosowanskich lisćikow wčera wječor w Njebjelčicach mějachu so wólbni pomocnicy hišće raz koncentrować, prjedy hač bě wuslědk wólbow krajneho rady a wjesnjanosty jasny. Foto: SN/Maćij Bulank Při wuličenju hłosowanskich lisćikow wčera wječor w Njebjelčicach mějachu so wólbni pomocnicy hišće raz koncentrować, prjedy hač bě wuslědk wólbow krajneho rady a wjesnjanosty jasny. Foto: SN/Maćij Bulank

Serbscy wjesnjanosća wobkrućeni a Marko Kliman wuzwoleny

Pančicy-Kukow (SN/MWj). W gmejnach zarjadniskeho zwjazka Při Klóšterskej wodźe wostanje nastupajo čoło komuny tež po wčerawšich wólbach hač na jedne wuwzaće wšitko při starym. Dokelž dotalny Chróšćanski wjesnjanosta Maćij Brycka hižo kandidował njebě, bě Marko Kliman za CDU jenički kandidat. Přemóžaca wjetšina 87,2 procentow wolerjow spožči jemu swoju dowěru. Druzy móhli sej tež Katarinu Jurkowu (8 hłosow), ­Krystofa Kokerta (7) abo Maćija Brycku (5) jako wjesnjanostu předstajić a napi­sachu jich mjeno do swobodneje linki ­hłosowanskeho lisćika. „Dokelž běch ­jenički kandidat, bě realistisce wočakować, zo mje wuzwola. Njejsym pak z tym ličił, zo budźe wuslědk tak jasny. Tuž so ćim bóle wjeselu“, praji nowy Chróšćanski wjesnjanosta Marko ­Kliman. W Ral­bicach-Róžeńće zawěsći ­sej jenički kan­didat Hubertus Ryćer (CDU) 91,9 pro­centow hłosow. Připisali pak su wo­lerjo tež mjeno Tomaša Bjeńša (15 hłosow), Clemensa Poldraka (9) a Gabriela­ Krawca (4).

wozjewjene w: Łužica
Prošu přizjewće so, chceće-li komentar podać

Serbska debata

nowostki LND