Ministerka njejapcy zazwoniła

póndźela, 06. julija 2015
artikl hódnoćić
(0 )
Při něhdźe 40 stopnjach w stanje su wčera we wobłuku programa Nowowješćan skeho wjesneho swjedźenja hodowne wiki předstajili.  Foto: Alfons Handrik Při něhdźe 40 stopnjach w stanje su wčera we wobłuku programa Nowowješćan skeho wjesneho swjedźenja hodowne wiki předstajili. Foto: Alfons Handrik

Na jubilejnym 40. wjesnym swjedźenju w Nowej Wjesce je předsyda towarstwa Wjesna zhromadnosć Křesćan Korjeńk wčera hosći, kotrychž njebě horce wjedro zatrašiło, w kopatym połnym stanje na połdrahodźinski zabawny program witać móhł.

Nowa Wjeska (aha/SN). W dwaceći programowych dypkach předstaji něhdźe 35 sobuskutkowacych Nowowješćanske wjesne žiwjenje. Najmłódši bě hakle šěsć lět a ze 76 lětami bě drje Jan Pjech najstarši. Manuela Čornakowa, Kathrin Pěčcyna, Monika Klimantowa a Milena Korjeńkec běchu wšěm znate podawki a wjerški w běhu lěta kaž póstnicy, mejemjetanje a hodowne wiki do zajimaweho cyłka zestajeli. Akterojo poslednjeho wobraza běchu rumpodichojo, kotřiž drje so při 40 stopnjach w stanje w swojej drasće najbóle poćachu. Město horceho wina pak mějachu w swojich škleńcach zawěsće zymne napoje.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND