Cyłe lěto do Južneje Ameriki

srjeda, 15. julija 2015
artikl hódnoćić
(0 )
Wačoki su nimale spakowane. Nětko Njebjelčanka Sofija Cyžec čaka, zo móže so skónčnje do Kolumbiskeje podać.  Foto: Marian Wjeńka Wačoki su nimale spakowane. Nětko Njebjelčanka Sofija Cyžec čaka, zo móže so skónčnje do Kolumbiskeje podać. Foto: Marian Wjeńka

Sofija Cyžec chce so w socialnym projekće w Kolumbiskej angažować

Njebjelčicy (SN/MWj). Na Sofiju Cyžec z Njebjelčic čaka přichodne dny wulki dyrdomdej w Južnej Americe. 19lětna je so rozsudźiła, dwanaće měsacow w kolumbiskim měsće Cali w juhozapadnym dźělu kraja žiwa być a so tam w socialnym projekće angažować, zaběracym so z kubłanjom dźěći a młodostnych. W šuli, kotraž­ so jeničce z pjenježnymi darami financuje, chce Njebjelčanska młodostna mjez druhim němčinu a jendźelšćinu wuwučować.

Ideju so socialnje angažować, měješe Sofija Cyžec, nawróćiwši so loni z highschool-lěta w USA. Zo móžeše so tam z ameriskej kulturu a mentalitu zeznajomić, za to je hóstnej swójbje přewšo dźakowna. Njesebičnosć, wutrobnosć a dobroćiwosć, kotruž bě tam nazho­niła, chcyše na někajke wašnje dale dać, tak zo so za dobrowólne socialne lěto we wukraju­ rozsudźi. Nic pak w bohatej USA, ale w chudšim kraju, hdźež su ludźo pomocy wjele potrěbniši.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND