Dźiwina so wjelka boji

štwórtk, 16. julija 2015
artikl hódnoćić
(0 )
Hinc Krječmar, jeho mandźelska Hildegard, Křesćan Korjeńk, městopředsyda Worklečanskeho hońtwjerskeho drustwa Jurij Lukaš  a Ludwig Helgest  (wotlěwa) na wčerawšej hłownej zhromadźiznje drustwa w Nowej Wjesce  Foto: Alfons Handrik Hinc Krječmar, jeho mandźelska Hildegard, Křesćan Korjeńk, městopředsyda Worklečanskeho hońtwjerskeho drustwa Jurij Lukaš a Ludwig Helgest (wotlěwa) na wčerawšej hłownej zhromadźiznje drustwa w Nowej Wjesce Foto: Alfons Handrik

Hłowna zhromadźizna Worklečanskeho hońtwjerskeho drustwa

Nowa Wjeska (aha/SN). Dohromady 90 wotnajerjow polow, łukow, a lěsow přisłuša Worklečanskemu hońtwjerskemu drustwu. Wot wšeho spočatka Nowowješćan Jan Pjech lěta 1991 załožene drustwo nawjeduje. Hajnikaj Ludwig Helgest a Hinc Krječmar wužiwataj na 625 hektarow wulkej płoninje hońtwjerske prawo, při čimž jimaj městopředsyda drustwa Jurij Lukaš po potrjebje wupomha.

W swojej rozprawje na wčerawšej hłownej zhromadźiznje drustwa Jan Pjech kritisce na minjene hońtwjerske lěto zhladowaše. Tak třělichu hajnicy w běhu lěta jeničce pjeć dańkow, runje telko dźiwich prosatow a jeničke dźiwje swinjo. We wobłuku rubježnych zwěrjatow běchu to štyri šupy a dźewjeć liškow. Rozłožejo hóntwjerske zakonske před­pisy sej Pjech přeješe, zo so wobstatk zwěriny nadźijomnje powjetši. Wón tež njezataji, zo je Róžeńčanska črjóda wjelkow po wšěm zdaću přičina snadneho hońtwjerskeho wunoška. Kelko wjelkow w črjódźe je, to njewě.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND