Do kupnicy zaćehnje nowe žiwjenje

štwórtk, 16. julija 2015
artikl hódnoćić
(0 )
Wjacore lěta bě bywše twaršćiznowe wikowanišćo Praktiker w Budyšinje prózdne. Nětko ma tam zaso nowe žiwjenje zaćahnyć.  Foto: Uwe Menschner Wjacore lěta bě bywše twaršćiznowe wikowanišćo Praktiker w Budyšinje prózdne. Nětko ma tam zaso nowe žiwjenje zaćahnyć. Foto: Uwe Menschner

Budyšin (UM/SN). Čas prózdneje bywšeje kupnicy Praktiker při Lubijskej dróze w Budyšinje so nachila. Předewzaće Sta­bilo­ Fachmarkt chce tule hišće lětsa jednu ze swojich prěnich kupnicow w nowych zwjazkowych krajach wotewrěć. Tole­ wobkrući nawoda za marketing předewzaća Markus Wedde na naprašowanje. Dokładny čas wón hišće rjec njemóže. „Chcemy w Sakskej – nimo Budyšina tež w Riesy a Freibergu – tři nowe kup­nicy wutworić. To wězo wšitko naraz njeńdźe,­ tak zo njemóžu hišće rjec, hdy wotewrjenje budźe“, praji Wedde.

Stabilo je hižo lětdźesatki w juhozapadnej Němskej etablěrowane a rozpřestrěwa so nětko tež do dalšich kónčin republiki. „Poskićamy nimo klasiskeho poskitka twarskich wikow tež twory za ratarstwo a lěsnistwo, grat za jězdźidłowe zamkarstwo kaž tež grat za hobbyjowych a profijowych rjemjeslnikow“, Markus Wedde rozłoži. Centrala předewzaća je w badensko-württembergskim Kupferzellu. W Budyskim předewzaću chcedźa 15 dźěłowych městnow wutworić. Domaj w Freibergu a Riesy stej tohorunja bywšej Praktiker-kupnicy.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND