Konjace sportowe towarstwo Při Klóšterskej wodźe ze swojimi nic cyle 40 čłonami je kónc tydźenja znowa přewjedło podawk wosebiteho razu, wulce přiwabliwe jěchanske wubědźowanje.
Hórki (aha/SN). Štož bywa za wopytowarja hustodosć samozrozumliwe, je z njesměrnje wjele organizatoriskim a bjezwuwzaćnje čestnohamtskim dźěłom zwjazane. Předsyda jěchanskeho towarstwa Matej Korjeńk drje je z wotběhom mjeztym 6. mjezynarodneho skakanskeho a jěchanskeho turněra – do toho wšak je towarstwo hižo nimale 20 turněrow bjez wukrajneho wobdźělenja přewjedło – přewšo spokojom.