Na nadawki so koncentrować poručenje

pjatk, 07. awgusta 2015
artikl hódnoćić
(0 )
Tróšku wochłódźenja na horcych dnjach, kaž je tuchwilu z nimale 40 stopnjemi celsija tež we Łužicy mamy, drje kóždy znjese, předewšěm rjemjeslnicy na twarnišćach pod hołym njebjom. Woni njemóža so jednorje do basenka lehnyć, dyrbja sej tuž pomhać wědźeć a so na hinaše wašnje wochłódźić, kaž tule Stefan Kubaš, kotremuž ćěsliski mišter Robert Paška na Pančičansko-Kukowskim twarnišću wodu na ramjeni kida.  Foto: SN/M. Bulank Tróšku wochłódźenja na horcych dnjach, kaž je tuchwilu z nimale 40 stopnjemi celsija tež we Łužicy mamy, drje kóždy znjese, předewšěm rjemjeslnicy na twarnišćach pod hołym njebjom. Woni njemóža so jednorje do basenka lehnyć, dyrbja sej tuž pomhać wědźeć a so na hinaše wašnje wochłódźić, kaž tule Stefan Kubaš, kotremuž ćěsliski mišter Robert Paška na Pančičansko-Kukowskim twarnišću wodu na ramjeni kida. Foto: SN/M. Bulank

Ludźo wužiwaja wšelake móžnosće, horce hodźiny na dźěle derje přetrać

Worklecy/Radwor (SN/MiR/JK). Po cyłej Łužicy knježi tuchwilu wjedro kaž w horcych dowolowych kónčinach na juhu Europy­. To wužaduje wosebje tych, kotřiž nimaja prózdniny a dyrbja tuchwilu w běrowach sydać, runje tak kaž dźěłaćerjow w produkciji. Dźensa knježa temperatury samo hač do 40 stopnjow celsija. Hakle jutře a njedźelu wěšća wjedrarjo trochu wochłódnjenja.

Tež hdyž sej tón abo tamny mysli, zo maja přistajeni w swojich běrowach klimatisku připrawu, tomu wšudźe tak njeje. Nazhonići sobudźěłaćerjo pak wědźa sej pomhać. Michaelis Korjeńkowa z Rěčneho centruma WITAJ w Budyšinje so sčasom wo to stara, zo nima přećopły běrow. Wšako rano wokno šěroko wočini. Hakle po připołdnju so tam słónco staja a to wona wokno zaso ze žaluziju škita. „Najlěpje wšak pomha so swojim nadawkam wěnować. To na ćopłotu zabudźeš“, sekretarka RCW měni.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND