Mjeztym šeste lěto nawjeduje Handrij Hejduška Smječkečanski wjesny klub z jeho 35 čłonami. Kaž hižo w předchadźacych lětach zamó wón tež tónraz nimale wšitkich z nich do přihotow znowa derje poradźeneho třidnjowskeho winicoweho swjedźenja zapřijeć.

Smječkecy (aha/SN). Hižo k zahajenju pjatk wječor je předstajenje filma, kotryž bu lěta 2000 składnostnje 720lětneho prěnjeho naspomnjenja wsy nahrawany, wjele připóznaća žnjało. Sobotu wječor wopyta mnoho swójbow z dźěćimi wosebity koncert skupiny JANKAHANKA. Přizamkny so zabawa, trajaca dołho po połnocy. Zahorjaca bě atmosfera we White night z Drježdźanskej band Paisley a mjenowanej serbskej. DJ Romano dobrej naledźe ze swojej hudźbu polěkowaše.