Bydlenje na prěnim poschodźe farskeho domuprózdne steji

štwórtk, 13. awgusta 2015
artikl hódnoćić
(0 )
Prawidłownje zetkawaja so we wosadnicy Wotrowskeje fary spěwarjo cyrkwinskeho chóra a wosadneje šole.  Foto: Alfons Handrik Prawidłownje zetkawaja so we wosadnicy Wotrowskeje fary spěwarjo cyrkwinskeho chóra a wosadneje šole. Foto: Alfons Handrik

Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych­ katolskich a ewangelskich wosadach rozhladujemy a předstajamy někotre fary – dźensa Wotrowsku.

Prěni raz pisomnje mjenowany je Wo­trow 1319 jako Oztrow. Hač do reformacije słušeše wjes do Hodźijskeje a po tym 200 lět do Chróšćanskeje wosady. Jakub Jan Józef Wóski, biskop a Budyski tachant, kupi 1755 Pjelcec kubło we Wotrowje, kotrež bě so lěto do toho na swjatoh Měrćina wotpaliło. Wóski so wo to postara, zo buchu dwuposchodowe domske jako farski dom, bróžeń, hródźe a kólnja zaso natwarjene. Wot 1758 hač k dotwarej cyrkwje 14 lět pozdźišo swjećachu wosadni w farskim domje Bože mšě. Jako prěnjeho duchowneho we Wotrowje zasadźi biskop Jurja Běra, kiž bě do toho druhi kapłan w Chrósćicach, a to jako administratora. Po nim bě tam Jan Kral sydom lět administrator, zemrě pak hakle 34lětny. Wón je 1764 Wotrowsku šulu dotwarił. Hižo šěsć lět do toho wšak běchu započeli cyrkej twarić, štož po wjacorych ćežach 1772 dokónčichu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND