Wojerecy maja wot septembra cityjoweho managera

Wojerecy (AK/SN). Wojerecy chcedźa stare město ze zaměrnym hospodarskim a kulturnym spěchowanjom zaso bóle wožiwić. K tomu přistaja wot septembra cityjoweho managera. Połne městno financuja hač do kónca 2017 z programa Zwjazka a krajow „Aktiwne měšćanske a centry wjesnych dźělow“ (SOP). Město je loni kónc decembra připrajenje za přiwzaće do programa dóstało.