Při wólbach wjesnjanosty 7. junija je we wobłuku zarjadniskeho zwjazka Při Klóšterskej wodźe jeničce w Chróšćanskej gmejnje k změnje na čole komuny dóšło. Tam dotalny wjesnjanosta Maćij Brycka (CDU) po 14 lětach w zastojnstwje hižo kandidował njebě. Marian Wjeńka je so z nim rozmołwjał.
Čehodla njejsće hišće raz kandidował?
M. Brycka: Přičiny běchu racionalneho razu. Loni hižo připowědźich, zo k wólbam njekandiduju. Sym nětko 62 lět a z dalšej legislaturnej periodu bych po mojim měnjenju za tele zastojnstwo přestary był. Njech młódša generacija nětko zamołwitosć přewozmje. Młódši ludźo to runje tak derje zamóža.
Kak so čujeće, hdyž po telko lětach zastojnstwo wjesnjanosty a z nim tule zamołwitosć hižo nimaće?